KUKHISHWE AMABHONASI OKUNYOMFA I-SUNDOWNS
USIHLALO wemaritzburg United ufarook “Ntshebe” Kadodia ukhuphule amabhonasi abadlali ngaphambi komdlalo obucayi nemamelodi Sundowns kwi-absa Premiership ozokuba ngolwesithathu ngo-19h30 elucas Moripe Stadium, e-atteridgeville.
Lo mdlalo umqoka kula makilabhu kwazise iteam of Choice ifuna ukungena kwi-top 8 okuzokube kungokwesibili emlandweni wepremier Soccer League (PSL) kwazise ihlale ivika izembe, kanti isundowns ilwela ukuvikela isicoco seligi.
Idowns iyizimfivilithi ukunqoba lo mdlalo kwazise ivamise ukuyimisa kabi le kilabhu yasemgungundlovu.
ILANGA lihletshelwe ngumthombo walo ukuthi ukadodia unyuse amabhonasi okunqoba lo mdlalo wedowns kwazise uwufanisa nowamanqamu.
Kuthintwa ukadodia uthe: “Nakuba ngingeke ngithande ukuphumela obala ngamabhonasi abadlali bami ngoba ayimfihlo kodwa akhona futhi-ke uma befake le kilabhu kwi-top 8 bazothola amahle kakhulu. Lo mdlalo wethu nesundowns umqoka ngendlela eyisimanga kithina sobabili kodwa ngikholwa wukuthi singawunqoba.
“Ngiyazi ukuthi kasinikwa lutho kulo mdlalo kodwa irekhodi lethu lemidlalo yangaphandle kwasekhaya lihle. Sizokuya kwidowns siyihlomele nxa zonke, okubi nje wukuthi sizokuya kulo mdlalo ngaphandle kwesitobha sethu ukwanda Mngonyama othole ikha- di elibomvu sibhekene neplatinum Stars ngolwesithathu. Kodwa-ke abantu bangasithathi kancane, singayiphazamisa isundowns,” kusho ukadodia.
Uhlompho Kekana ongukaputeni wedowns, osanda kwelula inkontileka nale kilabhu, uthi bazokwenza ngamandla abo wonke ukuyinqoba le midlalo ezayo.
“Nakuba isicoco seligi singekho ezandleni zethu kodwa sisenalo ithemba lokuthi sizosivikela. Inkinga nje kawukho umdlalo olula manje wonke amakilabhu ayazimisela. Nemaritzburg esizobhekana nayo ngeke ibe lula ngoba ifuna i- top 8.
Kodwa-ke siyakwazi okufanele sikwenze kufanele siwunqobe noma kanjani lo mdlalo siye kowokugcina simincile ngoba kasazi ukuthi kuzokwenzakalani,” kusho ukekana.
Imidlalo ye-absa Premiership ehlelelwe ukugijinywa ngolwesithathu imi kanje:
E-orlando Stadium: Orlando Pirates vs Ajax Cape Town 19h30 (Select).
Elucas Moripe: Mamelodi Sundowns vs Maritzburg Utd 19h30 (SS5).
Eroyal Bafokeng: Platinum Stars vs Kaizer Chiefs 19h30 (SS9).
EDR. Molemela Stadium: Bloemfontein Celtic vs Free State Stars 19h30.
Ebidvest Stadium: Bidvest Wits vs Polokwane City 19h30 (SS4).
E-athlone Stadium: Cape Town City vs Golden Arrows 19h30.
Enew Peter Mokaba: Baroka FC vs Highlands Park 19h30.
Enelson Mandela Bay: Chippa United vs Supersport United 19h30.
senzos@ilanganews.co.za