UNCOME ABADLALI I-CHELSEA IDLA UBHEDU
UMQEQESHI wechelsea eyizingqwele ezintsha ze-english Premiership unxuse abadlali bakhe ukuba bayijabulele ngokwedlulele impumelelo yokunqoba le nkomishi ngoba kuseza isikhathi esinzima.
Le kilabhu ibidinga amaphuzu amathathu emidlalweni esele yeligi ukunqoba le nkomishi.
Ihlule iwest Bromwich Albion ngo-1-0 ngolwesihlanu yase igcotshwa njengezingqwele.
U-antonio Conte wase-italy ongumqeqeshi wechelsea uthi abadlali bakhe basebenze kanzima, ngakho-ke kumqoka ukuthi bayijabulele le mpumelelo.
“Ngibabonga kakhulu ngokushesha ukubamba isitayela sami.
Ngesizini edlule baqede endaweni ye-10 ekubeni bebevikela isicoco.
Lokhu kuchaza ukuthi ziningi izinto obekumele sizishintshe. Sisebenze ngokubambisana kwaze kwaba siyasinqoba lesi sicoco. Ngibavumela ngamabomu ukuthi bajabule ngoba kunomsebenzi onzima osihlalele.
Ngifuna sinqobe IFA Cup esizodlala owamanqamu wayo ne-arsenal mhla zingama-27 kwephezulu ewembley. Ngaphezu kwalokhu, ngizobahlala ngobhongwane abadlali bami ukulungiselela isizini ezayo ngoba kumele sivikele iligi, IFA Cup uma siyinqoba bese silwela i-uefa Champions League. Sizosebenza ngaphansi kohlelo olunzima,” kusho lo mqeqeshi. Ngesizini edlule le nkomishi inqotshwe yileicester City ebilolongwa nguclaude Ranieri ongumkhaya kaConte.
Imidlalo ye-english Premiership namuhla ngesonto ihlelwe kanje:
Crystal Palace vs Hull City 13h00.
West Ham United vs Liverpool 15h15.
Tottenham Hotspur vs Manchester United 17h30.
KUSASA NGOMSOMBULUKO
Chelsea vs Watford 21h00.
NGOLWESIBILI
Arsenal vs Sunderland 20h45.
Manchester City vs West Bromwich Albion 21h00.
Eyespanish La Liga namuhla ngesonto ihlelwe kanje:
Deportivo Alavès vs Celta de Vigo 16h00.
Las Palmas vs Barcelona 20:00
Eibar vs Sporting Gijûn 20h00.
Real Sociedad vs M·laga 20h00.
Athletic Club vs Leganès San Mamès Barria 20:00
Real Madrid vs Sevilla 20h00.
Real Betis vs Atlètico Madrid 20h00.
Villarreal vs Deportivo La Coruòa 20h00.