I-arrows ithwese ibucs ubunzima
IBHOLA: Iyishovele kude ne-top 8
ILETHE usizi kwi-orlando Pirates ilamontville Golden Arrows iqumba phansi ibaroka ngo-3-2 kowe-absa Premiership izolo ngomgqibelo ntambama eprincess Magogo Stadium, Kwamashu.
Amagoli okunqobe ngawo i-arrows avalelwe enethini ngusiphelele Magubane ngomzuzu wama-40, umzwanele Mahashe okube wumkhonto ogwaze ekhaya ngowama-76 nokudakwashe Mahachi ngowama-78.
Awebaroka ashaywe nguvictor Letsoalo ngomzuzu wama-70 nangowama-86. Uma-gubane ubeqala ukushaya igoli esigabeni sepremiership.
I-arrows icishe yawudedela lo mdlalo njengoba ike yahamba phambili ngo-3-1 kodwa yabuye yavuzisa emuva. Kucishe kwadungeka umcimbi uvictor Gomes obedlalisa lo mdlalo enikeza ibaroka iphenathi engacacile sekuzophela umdlalo. Ithathwe ngurichard Matloga wayiqulela enethini. Ugomes uvele wayiphika ezeseka ngokuthi kunomdlali webaroka ongene ebhokisini ngesikhathi kukhahlelwa iphenathi. Le phenathi ibiyenza ukuthi zibambane ngo-3-3 kulo mdlalo.
Ukunqoba kwe-arrows kushiye kukhalwa kweminye imizi njengoba iqinise indlela yebaroka ebheke ehlathini njengoba kuyiyona ebambe ibhuleki ngamaphuzu angama-24 emidlalweni engama-28. Ilingana nechippa United ehleli endaweni yesibili ukusuka emsileni. Ihighlands Park isendaweni yesithathu ukusuka emsileni ngamaphuzu angama-25. I-arrows iphinde yagadla kwipi- rates njengoba icente indlela yayo ephumayo kwi-top 8. Ibucs iphume kwi-top 8 ngemuva kokuhlulwa yibidvest Wits ngo
1-0 nemamelodi Sundowns ngo-2-0 imidlalo ilandelana. Iwits nedowns basembangweni oshisayo wokunqoba i-absa Premiership eyisango lokudlala kwicaf Champions League kwizingqwele.
I-arrows nebucs banemidlalo engama-28 kodwa i-arrows inamaphuzu angama-35 kuthi ibucs ibe nangama-32. Lama kilabhu asembangweni wokungena kwi-top 8 eyisango lokudlala kwimtn 8 okuwumqhudelwano okhokha kakhulu ngaphansi kwepremier Soccer League (PSL).
Ipirates izokube iqophe umlando omubi uma igcina ngokungangeni kwi- top 8 kwazise kayikaze isale ngaphandle selokhu kwasungulwa IPSL ngonyaka we-1996.
I-arrows izovakashela icape Town City ngolwesithathu ukuzama ukuthola amaphuzu okuqinisa indawo kwi-top 8, kanti ibucs izogijimisana neAjax Cape Town ngosuku olufanayo. I-ajax nayo isempini yokuqeda kwi- top 8. Ibucs izovala isizini ngokududulana nayo i-arrows ngomgqibelo womhla zingama-27 emoses Mabhida Stadium, ethe-kwini. Ngaphambi kwalo mdlalo, lama kilabhu azophinde atholane kwi
Semi Final yenedbank Cup ezokuba ngempelasonto emagogo.
Ozonqoba lapha uzobhekana nozodlula phakathi kwechippa United nesuperSport United kwenye i- Semi Final. Owamanqamu uzokuba semoses Mabhida Stadium ngenyanga ezayo.
“Ibaroka ayizange yakhe amathuba angako ibidlala amabhola amade.
"Nokho ayizange ingijabulise indlela esivuzise ngayo amagoli udonga lwethu luphisane ngamagoli alula.
Uma sifuna ukubamba indawo yethu kwi-top 8 kufanele sikugweme ukwenza amaphutha anjena.
"Ngaphandle kwalokho kuhle ngoba sithole amaphuzu amathathu,” kusho uclinton Larsen we-arrows.
Umilton Dlamini ocija ibaroka uthi basazolivika izembe. “Sihluliwe impela kodwa lokho akuchazi ukuthi sesiliphosile ithawula ngokuvika izembe.
"Kufanele sinqobe umdlalo owodwa nje bese siyasuka kule ndawo esikuyona,”
kusho udlamini.