UTHATHA ISIHLALO SAKHE OBENTSHONTSHELWE ESOBUKHOSI
KING ARTHUR: LEGEND OF THE SWORD UMQONDISI: Guy Ritchie ABADLALI ABAPHAMBILI: Charlie Hunnam (Arthur), Astrid Berges-frisbey (The Mage), Jude Law (Vortigern), Djimon Hounsou (Bedivere), Eric Bana (Uther), Aidan Gillen (Bill) UHLOBO: Action/ Adventure/ Drama
IMINYAKA: 13 H/V UMHLAZIYI: Zowakha Mbatha
NGINGASHO ngingananazi ukuthi abangazange bawuthande umsebenzi waphambilini kaguy Ritchie, ikakhulukazi isherlock Holmes, bazoba nenkinga efanayo nakule filimu.
Kuyinto engeyintsha ukuba umuntu osemncane abanjelwe isikhundla yizihlobo ngoba iminyaka ingakamvumeli uma kuziwa ebukhosini. Yikho lokhu okwenzeka kule filimu.
U-arthur ube neshwa lokulahlekelwa yilungelo lakhe lokuqhoqhobala isikhundla sobukhosi emuva kokubulawa kukayise. Umalume wakhe uvortigen nguyena othatha isihlalo. Lokhu kwenza akhule engenalwazi lokuthi kahle hle nguye umholi, akhule kanzima kuleli dolobha ilondinium.
Langalimbe emuva kokufinyelela kwinkemba yezimanga kuyaphoqeleka ukuba okukakhesari kubuyele kukhesari, kumnyama kubomvu.
Kumele afunde ukuthi lesi sikhali sezimanga sisebenza kanjani, alwe nobulwane aseyibo, aphinde akwazi ukubumba isizwe kunqotshwe undlovu kayiphikiswa uvortigen owabulala abazali bakhe u-arthur wantshontsha isihlalo sobukhosi. Ingene ngolwesihlanu e-cinema.
ZISHINTSHILE izinto ngempelasonto edlule (05-07 May) njengoba eqhulwini kumafilimu ayishumi ahambe phambili ngokubukwa sekuhleli entsha esikhundleni SEFAST AND FURIOUS 8 okulokhu yaqhwakela selokhu yafika, isephambili kodwa ngokufaka imali. Phezulu sekuhleli IGUARDIANS OF THE GALAXY 2 njengoba kuvela ohlwini olungezansi:
1. GUARDIANS OF THE GALAXY 2
2. FAST AND FURIOUS 8 3. BEAUTY AND THE BEAST 4. BOSS BABY
5. GOING IN STYLE
6. THE SHACK
7. LOVE BY CHANCE 8. SLEEPLESS
9. BEYOND THE RIVER 10. JOHNNY IS NIE DOOD NIE