IZINGUQUKO EGAGASINI
UZA nezinguquko ezinqala umsakazo igagasi FM osekunesikhathi eside zilindelwe.
Phambilini kube namahlebezi athi lo msakazo uzojoyinwa ngudj Sphe nonaves abebesakaza kwisikhondlakhondla somsakazo esizinze egoli, imetro FM.
Nokho akekho othande ukuziqinisekisa lezi zindaba kulabo DJ negagasi FM. Kuleli sonto umthombo WELANGA Langesonto ongashayi eceleni utshele leli phephandaba ukuthi impela labo DJ sebezosebenza kulesi siteshi.
Ngokusho kwawo umthombo, laba bazosakaza uhlelo lwantambama okuyi-afternoon Show Off obelusakazwa nguthandolwethu notp.
Ushintsho kaluzugcina kulolu hlelo kodwa nolwasemini kubikwa ukuthi luyathinteka. Kuthiwa uhlelo ibig Bang, phambilini obelushayelwa ngukini Shandu, ngaphambi kokuba ahambe ayokwethula idaily Thetha kumabonakude, nalo luzoba nezinguquko.
Selokhu kuhambe ukini lolu hlelo belwethulwa ngufelix Hlophe ngokubambisana noNomfundo Clarissa. Umthombo uthi ufelix usezolwethula ngokubambisana noflaimotion nodj Le Soul, uclarissa aye kolwantambama lapho ezobe eshaya khona ezemigwaqo.
Ngomgqibelo ekuseni kuthiwa kuzongena ucollen Zondo osezokwethula uhlelo olubizwa ngeJumpstart obelwethulwa ngufelix Hlophe. Uhlelo lwangesonto lukadj Le Soul, ijam Avenue, kuthiwa luzonikezwa uzola.
Ukhulekani Shandu, okhulumela igagasi FM uthe akukho angakuqinisekisa mayelana noshintsho ezinhlelweni kuze kuba yisonto elizayo lapho bezobe bethula ngokusemthethweni izinguquko.
*Bheka olunye udaba ekha - sini 6