UVUNDULULE OBEKUNGANAKIWE
UVUNDULULE ikhono labebenganakiwe emkhakheni womculo usparks Bantwana osezakhele igama ngokukhiqiza umculo onesigubhu segqom ethekwini.
Lo mdidiyeli wezingoma oseke wasebenza namaciko ehlukene okubalwa uvetkoek nomahoota, Mampintsha nabanye usezinhlelweni zokukhiqiza abaculi abasha njengoba eseqalile ngotdk nobig Show.
Bobabili laba bayaziwa emkhakheni wezikaqedisizungu kodwa bekungacaci kahle ukuthi benzani njengoba bengapheli ezindaweni zobumnandi. UTDK usanda kukhipha enye ingoma nomaphorisa ehlanganisa nodj Bukz esihloko sithi “Gusheshe”.
Le ntokazi ogama layo langempela nguthandeka Mkhwanazi iqale ukubonakala isebenza neAfrotainment kanti ibuye ihlele nemicimbi ethekwini namaphethelo.
Itshele ILANGA Langesonto ukuthi ifuna ukungenisa kulo mkhakha njengoba sekucacile ukuthi abantu bayasithokozela isitayela sayo ngengoma esihloko sithi “Gusheshe”.
“Ukusebenza kwami nomaphorisa kungivule amehlo ngalo mkhakha, yingakho ngikhethe ukuba ngenze ingoma yami ngisebenzisana nosparks owaziwayo ngokudedela isigubhu segqom,” kusho lesi siphalaphala sentokazi, sengeza ngokuthi ingoma yaso ibizwa ngokuthi “Gijima Mgijimi”.
UTDK uthi maduze ingoma ya- khe izoqala ukuzwakala emisakazweni kodwa ezindaweni zobumnandi ODJ sebeqalile ukuyidlala nokuyinto emjabulisa kakhulu.
“Okunye wukuthi sengiqalile nokuqashwa ezindaweni ezahlukene ukuyonandisa,” esho.
Ngakolunye uhlangothi usparks uthi uyakujabulela ukusebenza nabaculi abasha ngasosonke isikhathi.
“UTDK nguyena ongicelile ukuba ngimenzele ingoma ngavumela phezulu ngoba ngibona ukuthi uyintombazane ezimiselayo futhi eyaziyo into eyifunayo,” kusho usparks.
Mayelana nobig Show ogamalakhe langempela ngusizwe Zulu usparks uthi uzwe iphimbo lakhe elehlukile kwelabaningi.
“Ubig Show une- zwi elingajwayelekile yingakho ngithe mangimzame e- studio ngizwe ukuthi uzozwakala kanjani. Kuyangijabulisa ukuthi uzwakale kahle kanti ingoma yethu iphume imnandi nephimbo lakhe,” kuchaza lo mdidiyeli eqhuba ngokuthi ingoma yabo bayibiza ngokuthi “Songena Ngopotsho”. Usparks uthi uzimisele ngokuqopha ezinye izingoma nobig Show.
UTDK uyena ongicelile...