Usethathwe yimetro FM ushembe wodumo
UNYELWE yinyoni esandleni umsakazi osekuphele iminyaka engaphezu kwamashumi amabili esembonini yezokusakaza, owapholofethwa yinkalakatha ukansas City ukuthi uyophelela kule mboni. Umsizi Shembe odalule lesi sipholofetho phambilini uphenya ikhasi elisha namuhla njengoba ejoyina imetro FM.
Ungomunye wabasakazi bakamuva abalandwa yilo msakazo ozama ukuzivuselela njengoba ubhekene nenselelo yokushiywa yizingqwele.
Ushembe ogcine kwivuma FM emasontweni ambalwa edlule ukuqinisekisile KWILANGA Langesonto ukuthi nakanjani kusukela namuhla uzozwakala kulo msakazo.
“Uhlelo engizolwenza luqala ngo-12 kuya ku-3 ntambama kanti lubizwa ngesunday Soul Therapy,” kusho yena.
Lolu hlelo belubanjwe nguAmon Mokoena selokhu kwachithwa upaul Mtirara kanti umokoena unohlelo alwenza nsuku zonke phakathi kuka-12h00 no-15h00.
Uthi ukhule ewuthanda umculo kanti ukansas ubengumakhelwane wakubo emlazi esigcemeni kwad lapho ekhulele khona, naku- ba ebezalelwe eharrismith.
Uqale ukusakaza kwicapital Radio ngo-1995 kulwezi (November). Udlulele esiteshini somphakathi icani FM nesingesinye zeziteshi zokuqala ukwethulwa kuleli.
Ugqame kakhulu esesey FM ngowe-1997 kuya kowezi-2002 njengoba abasakazi balo msakazo bebedume njengamagwinya ezweni lonke nakuba isiteshi besizwakala egoli kuphela.
Yisona sikhathi azakhele udumo ngaso lesi enza uhlelo lwezothando kusihlwa. Emuva kwalokho ujoyine ip4 Radio ethekwini negcine isishintsha iba yigagasi FM, nakhona wahlala iminyakanyaka njengoba eze wahlukana nalo ngowezi-2016 eseyongena kwivuma 103 FM.
Yisona siteshi ahlale isikhathi esincane kuso lesi kanti usebizwe yimetro FM. Ugqame kakhulu emagigini asebethe xaxa njengoba ebesefana nefenisha emakhehleni esipingo phambilini nasezinda- weni eziningi ezigqame nge-jazz ner&b.
Kubukeka kwamsiza ukufunda ewits School of Broadcasting ngowe-1991. Kuleli khaya lakhe elisha kulindeleke abe yingxenye yethimba langesonto lemetro FM eliyizintandokazi eliba nemizungezo yezipholile ebizwa ngamasunday Soul Sessions nowilson B Nkosi nosentle.
zowakha@ilanganews.co.za
Uhlelo engizolwenza luqala ngo-12 kuya ku-3