KAKUTHENJWANA EZWENI LOBUGELEKEQE
JOHN WICK: CHAPTER TWO UMQONDISI: Chad Stahelski ABALINGISI: Keanu Reeves (John Wick), Common (Cassian), Laurence Fishburne (The Bowery King), Riccardo Scamarcio (Santino D’antonio), Ruby Rose (Ares), John Leguizamo (Aurelio), Ian Mcshane (Winston)
UHLOBO: Action/ Crime/ Thriller
IMINYAKA: 16 V UMHLAZIYI: Zowakha Mbatha
ABABONE ujohn Wick wokuqala bayazi ukuthi into edlala kakhulu la yinhlavu yababulali abasezingeni eliphezulu. Le sekunesikhathi ise- cinema njengoba ingene maphakathi nenyanga edlule kodwa isesematheni nanamuhla kubathandi bamafilimu.
Okumnandi ngale wukuthi kungokokuqala ngqa ureeves nofishburne belingisa ndawonye selokhu bagcina ngethe Matrix Triology. Kungemuva kwezinsukwana ezimbalwa kuphele le yokuqala, ujohn Wick uthola iford Mustang yakhe eya yi n t s ho n t shi we egaraji lika-abram Tarasov.
Utholana phezulu nezinsizwa zakhe utarasov kodwa yena angambulali, athathe imoto yakhe agoduke ujohn. Esesekhaya uvakashelwa yinkunzi yesigelekeqe sase-italy usantino D’antonio bese kuvuka izivumelwano zangaphambilini eziphoqa ukuba ujohn enze okudingwa ngud’antonio nakuba esethe khumu ekubeni ngumbulali. Khumbula phela ukuthi ezweni lobugelekeqe kunezivumelwano ongakwazi ukuzephula nokungagcina kukudalela amazi- nyo abushelelezi njengoba kwenzeka nakujohn agcine ephoqeleka ukwenza okushiwoyo.
Kumele abulale udadewabo ugianna D’antonio ukuze usantino aqhwakele esihlalweni sokwengamela izigelekeqe. Kukho konke akwenzayo ujohn ulandelwa ezi- thendeni ngumqaphi “kabasi wakhe” u-ares. Kuthi uma ezibulala ugianna ngoba esebona vele ukuthi ubhekene nokufa, bese ujohn ehlaselwa yigenge kasantino ukuze iqede konke okuwubufakazi kanti kayibuzanga elangeni.
Ugcina ebhekana nocassian obengumqaphi kagianna. Ekugcineni kukhishwa isizumbulu sika$7 million ngozobulala ujohn ngoba usantino ethi uphindiselela udadewabo. Kukho konke lokhu inja yakhe iseceleni kwakhe njengoba engasazi nokuthi ngubani kahlehle osemkhankasweni wokumjuqa njengoba aziswe nanguwinston ukuthi isiphindwe kabili imali ebekelwe ozomsusa.
NGENDLELA esihlale isikhathi eside ngayo le filimu esiyihlaziya namuhla kayisabalwa ngisho ohlwini lwayishumi ahamba phambili kodwa ngeke ungayithokozeli uma ubungakayibuki.
IFAST and FURIOUS 8 isahamba phambili ngokufaka imali njengoba isifake efinyelela ku-r67 097 362.
Lumi kanje uhlu lwayishumi ahambe phambili ngempelasonto yomhla ziyi-12-14 kwephezulu:
1. GUARDIANS OF THE GALAXY 2
2. FAST AND FURIOUS 8 3. KING ARTHUR
4. BEAUTY AND THE BEAST 5. BOSS BABY
6. THE SHACK
7. GOING IN STYLE 8. BEYOND THE RIVER 9. SLEEPLESS
10. LOVE BY CHANCE