UMINCELE INDAWO YESINE U-WENGER
UMINCELE ukuthi kubhede uhlelo ezitheni zakhe u-arsene Wenger ongumqeqeshi we-arsenal okunamathuba amaningi okuthi ingaqedi namakilabhu amane aphezulu kwilog ye-english Premiership.
Lo mqeqeshi uthandazela ukuthi kudliwe iliverpool nemanchester City okungamakilabhu abanga nawo indawo yesine eyithikithi lokudlala kwi-uefa Champions League.
Okwenza uwenger abe ngaphansi kwengcindezi wukuthi i-arsenal kayenzi kahle kule sizini.
Kunenqwaba yabalandeli abathi ayingavuselelwa inkontileka yakhe ephelayo njengoba kusongwa isizini.
Uzohlangana nezikhulu zekilabhu ukubhunga ngekusasa lakhe ngemuva komdlalo wamanqamu wefa Cup abazowugijima nechelsea mhla zingama-27 kwephezulu.
Ukungena kwichampions League nokunqoba IFA Cup yikhona okubukeka engabambelela ngakho ezingxoxweni zokunikwa inkontileka entsha.
I-arsenal izodudulana ne-everton namuhla ngesonto ukuzama ukuqeda ibalwa namakilabhu amane aphezulu. Uma iliverpool ihlule imiddlesbrough esigencwe yizembe bese imanchester City ilwela ukungahlula yiwattford, ngisho inganqoba i-arsenal izoqeda ingekho kumakilabhu amane aphezulu.
Uwenger uyavuma ukuthi konke akusekho ezandleni zakhe njengoba elinde ukubheka ukuthi amakilabhu angaphezulu kwakhe adlala kanjani.
Nokho-ke kuthiwa izikhulu zekilabhu ziyafuna ukumnika inkontileka entsha.
Kuthiwa inkinga abalandeli bacikwa wukuthi le kilabhu kayidlalanga neze kahle kule sizini.
Isiyonke imidlalo ye-english Premiership namuhla ngesonto ihlelwe kanje:
Watford vs Manchester City 16h00.
Burnley vs West Ham United 16h00.
Leicester City vs AFC Bournemouth 16h00. Manchester United vs Crystal Palace 16h00.
Liverpool vs Middlesbrough Anfield 16h00.
Chelsea vs Sunderland 16h00. Arsenal vs Everton 16h00. Southampton vs Stoke City 16h00. Swansea City vs West Bromwich Albion 16h00.
Hull City vs Tottenham Hotspur 16h00.
Eyespanish La Liga namuhla ngesonto ihlelwe kanje:
Atlètico Madrid vs Athletic Club 16h45.
Valencia vs Villarreal 16h45. Celta de Vigo vs Real Sociedad 16h45.
Barcelona vs Eibar 20h00. Malaga vs Real Madrid 20h00.