Eyowethanda ibenze amakhondomu
NGIBONA obukhulu ubudedengu enkulumweni eyenziwe ngupierre Delvaux oyisikhulu seThanda Royal Zulu esanda kukhushulelwa esigabeni esikhulu sePremier Soccer League (PSL) esibizwa ngele-absa Premiership.
Emuva komdlalo wethanda neReal Kings United yasemophela ngasehammarsdale obungesonto ntambama esugar Ray Xulu Stadium, eclermont entshonalanga yetheku, udelvaux ulibeke ngesihloko elokuthi uzoyifaka endalini le kilabhu uma ingabatholi abaxhasi.
Uzivikele ngokuthi le kilabhu isilahlekelwe yizishaqane zemali kula masizini ambalwa edlule ngesikhathi isatabalasa ukunyukela esigabeni esikhulu. Ithanda izinze erichards Bay enyakathompumalanga yekwazulu-natal. Kuyaqala ngqa emlandweni wePSL ukuthi kube nekilabhu eqha- muka kuleya ngxenye yesifundazwe ukugijima kwipremiership.
Leli ngelinye lamakhadi elisetshenziswe kakhulu yizikhulu zeThanda ngesikhathi ziheha abathandi bakanobhutshuzwayo bakuleya ndawo namaphethelo ukuseka le kilabhu ngesikhathi idonsa kanzima kwinational First Division (NFD) kula masizini ambalwa adlule. Babanxuse ukuba bahambele imidlalo ukuzofaka abadlali ugqozi lokunyukela phezulu. Abalandeli bakwenzile lokho ngethemba lokubona ibhola lezinga eliphezulu endaweni abayakhele.
Sijabulisile nesethembiso sokuthi nemidlalo ethinta amakilabhu athathwa njengamakhulu izogijinyelwa ebay.
Nokho injabulo ngokunyukela kwipremiership kwethanda yabalandeli abebewa bevuka nale kilabhu ikwinfd uyidunge wayiqeda udelvaux ngenkulumo yakhe. phendulwe ikhondomu uqobo lwayo, yona etshingwa ingabhekwa nangeso emuva komsebenzi. okuthile njengoba sibonile ikaizer Chiefs iqeda amasizini amabili ingayazi into ebizwa ngenkomishi kwipsl. Nakwi-orlando Pirates abalandeli bayo babambe umoya njengoba isimincele ukuthatha inedbank Cup.
Uhunt ungene emabhukwini omlando wokuba ngomunye wabaqeqeshi abanqobe iligi amahlandla amane njengoba eyidle kathathu kulandelana ehola isuperSport United.
Nakuba bonke abadlali bewits kubafanele ukunconywa kodwa ngizophuma iqhubu nodaine Klate oqophe umlando ngokuba wumdlali wokuqala wakuleli ukudla isicoco seligi amahlandla ayisi-6. Usinqobe kathathu nesupersport, kabili nebucs nalesi sewits. Abadlali bewits bathi likhulu iqhaza elibanjwe nguklate ukubenza bakholwe ukuthi le kilabhu ingaludla ubhedu lwale ndebe.