Babanjwe ngodobo olunzima abaculi
Baqolwe ngegama lemabala Noise
BAKHALA bayazithulisa abaculi abasafufusa abathi babanjwe inkunzi yintokazi ebibathembisa lukhulu, ithi isebenzela inkampani yokuqopha imabala Noise Entertainment (Mabala).
Umthoko Shabalala wasenanda ethekwini nozakwabo umabusi Dlamini abazibiza nge-afro Ink bashaywe ngemfe iphindiwe bezitshela ukuthi basebenzisana neMabala kanti baluthwa yiqola elinembobo ekhaleni.
Elandisa ILANGA Langesonto umthoko uthi ngelink ye- website abekholwe ukuthi ngeyemabala kufacebook, wangena kuyo waxhumana nowesifazane ongulerato Sebati.
Ukuxhumana kwabo kwedlulele kuwhatsapp ngemuva kokunikezana izinombolo zikamakhalekhukhwini.
Ngaleso sikhathi uthi ubengasoli mkhonyovu, konke bekubukeka kuwungqo, kusukela kwimininingwane abayithole kufacebook, yiwebsite nezithombe ebezifakwa yilo Lerato kwi- profile yewhatsapp njengoba konke bekunama- logo emabala. Uthi kwi- profile kawhat
sapp ulerato ubefaka izithombe zosaziwayo basemabala, kucaca nje ukuthi usezintweni.
Uthi lo wesifazane uthe uzodinga ur20 000 ukuze abatholele i- deal emabala. Uqhubeke wathi makakhululeke ngoba ingxenye eningi yale mali izokhokhwa yibo abemabala, yena kumele nje acwebezelise ngokuncane ukuze aqale amenzele lezi zimanga zokuyosayinwa ngokugcwele yilesi sitebele.
“Uthe uyi- agent yabo. Ngithole ucingo luvela enombolweni yasegoli, bengibuza ukuthi ngiyitholile na i- email abangithumelele yona. Le nombolo yiyo kanye evela kulezi zinkundla zokuxhumana nokungenze ngakholwa wukuthi ukuleli hhovisi. Nginikele emshinini wasebhange ukuze ngiyofaka imali (ebifunwe ngulerato). Kuthe uma umshini unginikeza inkinga ngisafake u-r1300 ngangena ngaphakathi ebhange ukuyobachazela, bangitshela ukuthi kumele ibuyiswe yilo muntu engimthumelele yona. Ubefune u-r1500. Ngiqale phansi ngayifaka yonke (R1500), sengiyifaka ngaphakathi ngoba sesivumelene ngokuthi uzowubuyisa lo R1300 ebengiwufake ekuqaleni,” kulanda umthoko.
Uqhuba athi kuthe ulerato sekufanele abuyise u-r1300 wenqaba, wathi “uzoyogeza ngawo izandla” kwizimeneja ukuze izinto zisheshe.
“Ubuye wanginikeza enye inamba wathi angikhulume nomunye (wesilisa) ozongisiza ngoba beku- funeka ngibe ne-account kumaitunes, kuvele nezindawo esengike nganandisa kuzo kwi-file yami. Kuthe uma ngiyifonela le namba wathi lo mlisa kuzomele ngengeze ngo-r800, ngawufaka ngaso leso sikhathi.
"Konke lokhu kwezimali kwenzeke ngondasa (March) njengoba bese sisezinhlelweni zokuya egoli ehhovisi elikhulu lemabala. Kuthe usufikile umhlaka-12 ebesivumelene ngawo, washintsha umuntu.
"Ungisabise ngokuthi uzongigila ngoba ubesene- copy ye-id yami, wathi uzongishayanisa nabantu uma nje ngike ngalubhada egoli. Angibange ngisamthola-ke emuva kwalokho, wangivala kuzo zonke izindlela ebesixhumana ngazo. Nakwenye inombolo ebengike ngimthole kuyo akasatholakali, intombazane egcine iphendula ucingo ingibhokela ngolaka ithi ayazi ngikhuluma ngani,” kubalisa ushabalala.
ILANGA Langesonto linawo amanye amakhophi awubufakazi bokuxhumana kwabo, nekhophi eqinisekisa imali efakwe kwiakhawunti yasebhange kamiss Lerato P Sebati, egatsheni elisephoenix Plaza ethekwini.
Kwenye ikhophi ye- email okuvela ukuthi iphuma kwi-address yeemail ethi pr@mabalanoise.co.za ngomhla zingama-31 kundasa (March), ushabalala uthenjiswa ukuthi uzohlangana NE-CEO yemabala ureggie Nkabinde uma eseye kwinhlolokhono mhlaka ziyi-13 kumbasa (April) ngehora le-10 ekuseni.
Kuthiwe I-CEO izofona mhlaka-7 enyangeni efanayo ukuqinisekisa ukuthi ushabalala lo uzohanjiswa kanjani emahhovisi emabala. Kwenye ikhophi kuvela ukuthi imabala ikhokha R270 000 uma isayina umculi iminyaka emithathu nokuyilapho ebethi uzoyithatha khona ingxenye yemali esele ulerato.
Lizame lancama ILANGA Langesonto ukuthola lo Lerato njengoba inombolo yakhe kamakhalekhukhwini ingangeni. Umyalezo kawhatsapp athunyelelwe wona yintatheli kuyo le nombolo ungenile, kwavela uphawu lokuthi ufundiwe wi- profile kawhatsapp ushintshashintsha izithombe, iningi lazo zinemibhalo yasemabala nabaculi abangaphansi kwayo.
Enye inombolo ushabalala athi ubeke amfonele kuyo lo Lerato amthole iphendulwe ngowesifazane, ovele wanikeza intatheli izinombolo zakhona ngqo emahhovisi emabala, wathi lo Lerato emfunayo izomthola ngokushayela zona lezi zinombolo kodwa emabala bayamphika.
Omunye ashintshashintsha izithombe zakhe kwi-profile yewhatsapp ngujacinta Ngobese obengumsakazi phambilini.
Ujacinta utshele leli phephandaba ukuthi usenalo ulwazi ngalo wesifazane emuva kokuthintwa yihhovisi lemabala.
“Into engikhululayo wukuthi ibhange linayo imininingwane yakhe ngoba kangimazi mina. Nabantu kodwa kumele baqaphele bangathathi izinto njengoba zinjalo kwi- internet kodwa baqinisekise ukuthi bangena emakhasini okuyiwo ezinkampani,” kusho ujacinta.
Umnu Thobela Dlamini ongesinye sezikhulu emabala nobhekele ithalente uthi kabanaye umuntu ongulerato emabala.
“Kukhona umuntu wale nhlangano yabaculi IKUMISA oke wangithinta ngalolu daba kodwa bengisaxinwe yindaba yamasaMA, bengingakalulandeleli. Lubi njengoba lulimaza nesithunzi seMabala kodwa yena ngeke adabule, sizomvulela icala.
"Sicela nisilekelele nani ngemininingwane eninayo,” kusho udlamini obuye abe yisikhulu samasama.
zowakha@ilanganews.co.za