SEBASTIAN JILI
NGABE WUSUKU LWAKHO LOKUZALWA NAMUHLA?
OKUMELE ukunqobe okuzokuhlupha kakhulu wukuhlehlisa izinqumo okufanele uzithathe nokulokhu unqikaza. Ungumuntu ophiwe amakhono ehlukene kakhulukazi obuntatheli kanye nezokuloba. Gxila emakhonweni akho ngoba lokho kuzoba nomvuzo ekugcineni.
ARIES
LESI yisikhathi esikahle kakhulu kuwena uma unesifiso sokuqala izinhlelo ezintsha empilweni yakho. Okudingeka ukugade kakhulu wukusebenzisa imali ngendlela eyeqile. Vula amehlo, ubheke amathuba aqhamukayo.
TAURUS (April 20-May 20)
UZOCABANGA ujule ngezinto eziyisisekelo sokuphila kwakho. Ungumuntu onesiphiwo esikhulu kwezolimo kanye nezobuciko. Ungakwazi ukuqhela kwabanye abakumoshela isikhathi.
GEMINI (May 21-June 21)
UYAZWELA kakhulu ezintweni ezikhulunywa ngabanye abantu kakhulukazi osondelene nabo. Kubukeka kunabantu okade wabagcina kodwa osukwazile ukuphinda uxhumana nabo manje.
CANCER
UYAKUDINGA ukuthola unakekelo emndenini wakho. Izinkinga zemali zibuye zikuvimbe ekufezeni amanye amaphupho onawo. Lesi akusona isikhathi sokuba ucabange ngezinto ezingakuphathanga kahle.
LEO (March 21-April 19) (July 23-August 22)
KUNGAKUSIZA ukuxhumana nabangani, ufunde izinto obungazinakile. Kunezivumelwano ozophoqeka ukungena kuzona nabathile kodwa kudingeka uzihlole ukuze ugculiseke kahle, ungabi nongabazane.
VIRGO (June 21-July 22) (Aug 23-Sept 22)
UNGALINGE uxoxe izindaba zakho zangasese kunoma ngubani. Zama ukufunda ukuzehlisa, ungabukeli phansi abantu ngoba lokho kungalimaza okuningi empilweni yakho esikhathini esizayo.
LIBRA (Sept 23-Oct 22)
KUKHONA abathile ozoxhumana nabo okade wabagcina futhi ozokuthokozela ukuxhumana nabo. Umqondo wakho uzoba nokuphithana ngezinye izinqumo okumele zithathwe.
SCORPIO (Oct 23-Nov 21)
UKUBA budedengu kungaba nemiphumela engemihle. Konke okwenzeka eduze kwakho nasemndenini kuhlolisise. Impumelelo yakho ibuye incike ekutheni unikela kangakanani kwabathile abadinga usizo lwakho.
SAGITTARIUS (Nov 22-Dec 21)
OKWENZAYO manje akumele ukwenze ngenhloso yokuthi ufuna ukuhlabekisa abathile kodwa kwenze ngoba kugculisa wena nonembeza wakho. Usabhekene nesikhathi esingelula empilweni yakho kodwa konke kuzodlula.
CAPRICORN (Dec 22-Jan 19)
UNGAGXULI emlandweni wakho ongemuhle uma ucabanga ngekusasa. Kumele uqonde ukuthi konke kuyenzeka. Impilo ilindele wena ukuba uyivulele izandla uyamukele ngeso elithembisa impumelelo.
AQUARIUS (Jan 20-Feb 18)
UNGATHEMBELI kakhulu kwabanye abantu kodwa kumele uzethembe wena qobo. Zonke izinto ezingakuphazamisa ungalinge uzivumele. Lokhu ofisa kwenzeke kutshale engqondweni yakho, imiphumela izovela.
PISCES (Feb 19-March 20)
KUYATHANDA ukugxila ezintweni eziwumzabalazo nasezintweni ezizosiza abanye. Ukugeleza kwemibono yakho kwenza ube nesisekelo esiqinile kulokho osuke ufisa kufezeke.