SIZIPHOLELE:
KUJWAYELEKILE ukuba uzakhele isithombe emqondweni ngomuntu ongamjwayele noma ongasondelene naye, ombukela kude. Ngesinye isikhathi uzwa abantu bethi “uyazi us’banibani angimphiwe,” kuthi uma ubuza ukuthi yini edala lokho, athi “nami angazi nje, ukuthi ngathi uyazitshela.”
Nami-ke ngike ngazithola ngizibuza ngiziphendula ngomuntu ebengizohlangana naye. Nakuba kungumuntu esengimaze kusukela ngisemncane kodwa bengingakaze ngihlangane naye ubuso nobuso. Inkinga yami bengingazi noma kuzoba lula ukuxoxa naye noma ungumuntu ongangeneki kalula.
Lapha ngikhuluma ngomsakazi osemnkantshubomvu, umakhosi Khoza, osebenzela isiteshi somsakazi esizinze emhlanga Rocks, ethekwini, ivuma FM.
Akuzange kube nzima neze ukuhlela isikhathi sokubonana nomakhosi. Kube wukukhuluma nje notee van Heerden oyimarketing Manager yevuma FM, kwahlelwa isikhathi, kwabonana ngalo lolo suku. Nginxuse uzakwethu, ujohn Hlongwa, ongumthwebuli ukuba sihambe naye siye emahhovisi alesi siteshi lapho besizohlangana khona nomakhosi.
Ngesikhathi sihlangana nomakhosi, engikuqaphelile wukuthi uphila impilo ejwayelekile, ukhululekile, akukho lutho alufihlayo nangathandi ukukuveza uma ukhuluma naye. Uma umbuza into uyavuleleka, akagodli lutho. Ningaxoxa kuze kushone ilanga ngendlela akhululeke ngayo.
Umakhosi ushayela uhlelo lwasekuseni igoodtogo! Breakfast, olungena ngehora lesithupha kuya kwelesi-9. Ulushayela ngokubambisana nozeal, nogabriel Sithole. Uluchaza njengohlelo olubalulekile kakhulu, lokuqala usuku. Uthi kumnandi kulolu hlelo ngoba bayazibhedela, bancokole, kuhlekwe. Usitshele ukuthi usaphatheke kahle kulo msakazo.
Ihlaya
Engxoxweni yethu okungihlekise kakhulu ngaye yindaba yokuthi abantu bamphambanisa nodkt Makhosi Khoza, oyilunga lephalamende le-african National Congress (ANC). nosekuyinto aseze wayemukela.
Kuzokhumbuleka ukuthi ube sematheni udkt Khoza ngesikhathi ehola ithimba ebelijutshwe ngumengameli wezwe umnu Jacob Zuma ukuba lithungathe umvikeli womphakathi, obezongena esihlalweni ngesikhathi kuphuma u-adv Thuli Madonsela.
Uthi uke wathola ngisho amaemail kwabezindaba, bemthumelela imibuzo ukuba ayiphendule, bezitshela ukuthi bathumelela udkt Khoza.
Uthi kunomunye umakhosi Khoza ongumcwali wezinwele nesikhumba (beautician), osemusgrave khona ethekwini abantu abamphambanisa naye. Uthi uke athole ngisho abantu abasuke belungiselela imishado, becela i- quotation. Uyafisa ukuba kebehlangane bonke bengomakhosi Khoza, bazane.
Incwadi ngempilo yakhe Ngaphandle kokusakaza, umatasa uqedela incwadi ayibhalayo emayelana nempilo yakhe kusukela eqala ukungena emkhakheni wozokusakaza. Kule ncwadi uthi uzoveza nezifiso zakhe ezinkulu ngekusasa lakhe. Inhloso yakhe wukuyishicilela ungakapheli lo nyaka.
“Uma kuhamba ngokwesifiso sami, izophuma ngomandulo (September),” kusho yena.
Uhleka aze aphume izinyembezi Umakhosi ungumuntu othandayo ukuzihlalela ekhaya, abukele umabonakude, azifundele. Akayithandi imidlalo kamabonakude ewuchungechunge (soapies). Kodwa uthi uyasithanda isibaya nethe Queen esidlala kumzansi Magic, edlala kuso lesi siteshi. Uyazithandela ibhola likanobhutshuzwayo. Ungumlandeli weOrlando Pirates neliverpool.
Abantu abukela kubo
Nakuba ethi baningi abantu abantu abukela kubo empilweni kodwa ohamba phambili ngubob Mabena naye ongumsakazi onesipiliyoni esinzulu kwezokusakaza. Bake basebenza ndawonye eminyakeni eminingi edlule.
“Ungumuntu okhululekile. Bayangichaza abantu abanjalo,” kusho yena.
Abanye ababalayo ngushado Twala, Kenny Maistry nojustice “Just Ice” Ramohlola.
Ukuphoxeka
Umakhosi uthi emsakazweni ukuphoxeka yinto yemihla ngemihla.
Uke waphoxeka kudala esasakaza kwi-east Coast Radio ngesikhathi kufika abalingisi beThe Bold and the Beautiful. Nakuba kube yinto enkulu ukuvakashelwa kwesiteshi ngabalingisi baphesheya kwezilwandle abadlala emdlalweni owuchungechunge okhonjiswa emhlabeni kodwa kuyena kuvele kwaba sengathi akwenzekanga lutho njengoba ubengabazi, kwazise ubengawubuki lo mdlalo.
Uthi futhi uke waphoxeka waswela umgodi wokucasha esasakaza kwicapital Radio ebizinze esouth Beach, ethekwini, evalwe ngasekupheleni konyaka ngowe1996. Ubezongena ohlelweni lwakhe elandela ujust Ice. Uthi ungene estudio waciphiza inkinobho kanti usekhipha u-just Ice ngephutha. Nokho uthi akubanga khona nkinga etheni ngoba ujust Ice ubonile ukuthi kwenzeke iphutha.
Kuyenzeka angabi nayo imali Ukusho angananazi ukuthi uke wabhekane nesimo sokushodelwa yimali. Uthi nje kukhona lapho isimo esibe nzima khona waze wadlelwa nezimoto, engasakwazi ukuzikhokhela.
Umshayeli wamabhanoyi Njengawo wonke umuntu osemncane, naye esakhula ubenama- khona wuthando lokusakaza, wangabesabheka emuva kuze kube yimanje.
Ubulima
Cishe akekho umuntu ongakaze ayenze into ewubulima empilwe- ikakhulukazi uma eseyingane . Naye-ke umakhosi zikhona izinto ezi- wubulima ake waze- nza. Efunda enyuvesi eswaziland ube nenhlanhla, wahlangana nesihlobo ebesibizwa ngomakhoza. Uthi-ke ngoba yena ubesafika wabe esejwayela ukuhambisana naso uma beya enyuvesi.
Ubevuka alinde esitobhini bese behambisana. Uthi ngolunye usuku waqhomoloza esitobhini isikhathi eside, lutho ukufika umakhoza. Kwathi sekuhambe isikhathi wakhumbula ukuthi wumgqibelo, akufundwa, wabuyela ekhaya esephoxekile. ni,
Umculo
Uthi ulalela uhlobo olwehlukene lomculo, kuya ngesimo ( mood) asuke ekuso ngaleso