IMIZWA EHLUKENE NGEMPILO KA-TUPAC SHAKUR
ALL EYES ON ME UMQONDISI: Benny Boom ABADLALI ABAPHAMBILI: Demetrius Shipp Jr. (Tupac Shakur), Kat Graham (Jada Pinket), Lauren Cohan (Leila Steinberg), Hill Harper (Journalist), Danai Gurira (Afeni Shakur), Jamal Woolard (Biggie Smalls)
UHLOBO: Biography/ Drama IMINYAKA: 16 D/L/P/V UMHLAZIYI: Zowakha Mbatha
NAKUBA sekukhona abaningi abathinteka ngqo asebeyigxekile le filimu engempilo yomrepha owaziwa umhlaba wonke, utupac Shakur, kubukeka sengathi isazoba nelikhulu idumela ngokwenhlokomo esikhona njengamanje.
Phakathi kwabanye abayigxekile ngujada Pinket olingiswa ngukat Graham nothi izigigaba ezivezwa kule filimu kaze- nzekanga empilweni yakhe notupac. Kuyinto eyaziwayo ukuthi babesondelene kakhulu laba, ujada engakabi yinkosikazi kaWill Smith.
Kulindeleke ukuba i- biography ibe yiqiniso ngempilo yalowo esuke ingaye. Nabanye omrepha sebezigxekile ezinye izehlakalo ezikhonjiswayo, bathi kazimele izimo zangalezo zikhathi zempilo nangendlela utupac ayenza ngayo.
Iqanjwe nge-albhamu ayikhiphe ngowe-1996. Ngale kokuba ngumrepha ubeyimbongi, umlingisi aphinde alwele amalungelo abantu edolobhenikazi inew York ngaphambi kokushona eseneminyaka angama-25 nje vo.
La makhono akhe amthathe amveza emazweni wonke omhlaba. Kuzomele ube nesikhathi sonke uma uyoyibuka njengoba ithatha amahora amabili nemizuzu engamashumi amabili. Ingene ngolwesihlanu lwayizolo e- cinema.
I-PIRATES OF THE CARIBBEAN: SALAZAR’S REVENGE ihambe phambili ngokufaka imali e- cinema ngempelasonto edlule yomhla zingam-23-25 njengoba ingenise u-r14 917 681. Nanka ayishumi ahambe phambili ngokubukwa kuleyo mpelasonto:
1. TRANSFORMERS: THE LAST KNIGHT
2. CARS 3
3. WONDER WOMAN
4. THE MUMMY
5. BAYWATCH
6. ROUGH NIGHT
7. PIRATES OF THE CARIBBEAN: SALAZAR’S REVENGE 8. EVERYTHING, EVERYTHING 9. GIFTED
10. THE PROMISE