Babalekiswa yimali kwidowns
Kuthiwa ibeke u-r10 million kofuna abadlali bayo
BAMBA eqolo abadlali bemamelodi Sundowns ababambe elikhulu iqhaza ekutheni ibidvest Wits inikwe umqhele wokuba yizingqwele ze-absa Premiership zesizini edlule yezi-2016/2017.
ILANGA Langesonto lithole ukuthi izitshudeni zinqume ukuthi babuyele kwidowns ucuthbert Malajila nomogakolodi Ngele emuva kokuba amasandawana ebeke intengo ka-r10 million umdlali emunye. Iwits ifake isicelo sokuthenga laba badlali kwidowns emuva kokuphela kwesivumelwano sesizini sokubolekana ngabo.
Lesi sicelo kuthiwa sihlangabe- zane nembibizane ngesikhathi idowns ibeka leli tshe lemali ekhanda lalaba badlali asebeke baphumela eshashalazini phambilini ngokuthi bangakujabulela ukuqhubeka nokudlala kwiwits ethuse abalandeli abaningi bebhola phakathi nesonto isayinisa udaylon Claasen obegijima kwi1860 Munich yasegermany.
Leli phephandaba lithinta ujose Ferreira oyisikhulu esiphezulu sewits ngalolu daba, uthe sebepho-nse ithawula ngalaba badlali ekhala ngokumba kwabo eqolo.
Uthi kumanje bamatasa babheka emakethe ukuthi ngeke babathole yini abanye ukuzovala ngabo izikhala.
“Nakuba ngingafuni ukukhulu- ma ngenani kodwa sesikhohliwe ngabadlali besundowns kwazise babiza kakhulu.
"Kumanje sibheka abanye emakethe. Nakhona kunzima kakhulu ukubathola kwazise abaphathi bamakilabhu bababizisa kakhulu abadlali okwenza kube nzima kithina esiphethe amakilabhu amancane.
“Kumele sizame ngazo zonke izindlela ukuhlanganisa ikilabhu eqinile ezokwakhiwa ngabadlali ababiza kahle. Kubukeka sizogcina siphoqeleka ukubheka emazweni angaphandle,” kusho uferreira.
Ebuzwa ngokufuna kwale kilabhu uthamsanqa “General” Sangweni ongukaputeni wechippa United uferreira uthe: “Usangweni ungumdlali omuhle impela kodwa inkinga enkulu wukuthi baningi abadlali esinabo ekilabhini abagijima esiswini. Ngeke kuwenze umehluko ukujaha ukumusayinisa. Kumele sibheke ukuthi kuzolunga yini ukufaka umdlali onjengaye emabhukwini ekilabhu.”
Leli phephandaba lithole ukuthi ungele nosangweni bacathanyelwa nayicape Town City esanda kuqasha ubenni Mccarthy njengomqeqeshi omusha. Ngolwesihlanu icity isayinise ulyle Lakay ogijima emuva kwesobunxele obekwibloemfontein Celtic ngesizini edlule. Usayine inkontileka yeminyaka emithathu.