INSIKA YEBAFANA ISAKUHALELA UKUBUYELA E-ENGLAND
SISALUBALUBELA ukubuyela e-england isilomo sesupersport United esibambe elikhulu iqhaza ekutheni le kilabhu ibalwe nahambe phambili ebholeni laseningizimu Afrika ngesizini edlule.
Nakuba eseneminyaka yobudala engama-29 udean “Mlungu” Furman oyinjini yesupersport kodwa utshele ILANGA Langesonto ukuthi usenephupho lokubuyela e-england ezeseka ngokuthi umndeni wakhe uzinze khona. Lo mdlali ukhulume naleli phephandaba ngaphambi kokubamba indiza ebheke eguinea emdlalweni nehoroya ngaphansi kwecaf Confederations Cup. Lo mdlalo wesigaba samaqoqo ubuyi- zolo ebusuku.
Ufurman oyinsika naseqenjini lesizwe lakuleli, ibafana Bafana, uthi yize esasalelwe ngamasizini amabili kwinkontileka yakhe nesupersport futhi esakuthokozela ukudlala kuleli kodwa usenalo iphupho lokubuyela kwelamangisi.
Lo mdlali ubambe elikhulu iqhaza ekutheni i-orlando Pirates iqede isizini ishwiba izandla ngenxa yeminyakazo emihle ayikhombise kowamanqamu wenedbank Cup ngeledlule ethekwini. Kulo mdlalo ufurman uqokwe njengomdlali ovelele kanti ezakhe ziwunqobe ngo-4-1. Empeleni bekumele zidlule kuwona ngembudlu yamagoli ngenxa yomphuphe webhola obugijinywa ngamabhakabhaka.
Lo mdlali ujoyine isupersport esuka kwidoncaster Rovers yaseEngland engayivuselelanga inkontileka yakhe. Kuke kwavela imibiko ebithi ufunwa nayikaizer Chiefs ngesikhathi ebuyela kuleli.
“Silwela ukuziqophela umlando wethu nesupersport e-afrika njengoba sisayibambe kahle khona. Ngisajabule kakhulu kule kilabhu yize ngingathanda ukubuyela e-england uma ithuba livela. Nginqume ukujoyina isuperSport ngoba yiyona eyeza nento ebambekayo kimina.
"Amanye amakilabhu ngagcina ukuzwa ngawo ukuthi ayangifuna kwabezindaba okwenza kangaze ngakufaka ekhanda ngoba akekho kuwona oweza kimina,” kusho ufurman.