USUSETHEKWINI UMJIKELEZO WE-JOYOUS
IKHUZA ibuya ijoyous Celebration esifundazweni sakwazulu-natal emjikelezweni wayo obizwa ngemtn Joyous Celebration 21st National Tour.
Leli qembu elithandwa kakhulu emculweni wokholo, selinama-albhamu angama-21. Eyakamuva ibizwa ngeheal Our Land ethathwa njengeyisiphrofetho uma kubukwa isimo sezepolitiki, esomnotho nesenhlalo emhlabeni jikelele.
“Lesi yisikhathi esihle kakhulu ukuthi sibe nalo mjikelezo ikakhulukazi ngoba izwe lethu lidinga ukwelapheka. Unkulunkulu ukubekile enhliziyweni yethu ukuthi sidinga ukubumbana njengesizwe ngomthandazo njengoba isho nale albhamu.
"Siyanimema ukuba nizocula nathi, nidanse nathi emcimbini wethu ozoba sethekwini. Lapho sizobe sinxusa kuMdali ukuba akhulule abantu bakhe, abanikeze umusa, aphilise nezwe lethu,” kusho upastor Jabu Hlongwane ongomunye wabasunguli bejoyous Celebration.
Leli qembu seliqede iminyaka engama-21 lilokhu limile kodwa likhula ngokomculo futhi selikhiqize nenqwaba yabaculi asebezimele okubalwa untokozo Mbambo nomyeni wakhe unqubeko Mbatha, uzaza nabanye.
Upastor Mthunzi Namba ongomunye wabasunguli beqembu, uthi konke lokhu kwenziwa wukusebenza kanzima, wukubekezela nokuba nethemba.
“I-albhamu yethu ye-21 sitshengisa ngayo ukwesekeka esikunikwe ngabalandeli bethu bakuleli nakwezinye izindawo. Ngaphandle kwabo besingeke sifinyelele lapha esikhona. Ukuza ethekwini kusivuselela umuzwa wapha- mbilini, siyathobeka kakhulu ngoba yilapho saqala khona.
"Besingazi ukuthi sizohamba ibanga elide kanje, sigubhe iminyaka engama-21 nabantu abebesigqugquzela,” kusho yena.
Ijoyous yaziwa kakhulu ngokuba nabaculi abanamaphimbo amahle, yimidanso yesimanje nezimpahla ezinhle. Kulo mjikelezo oza kwelikabhanana kuzobe kukhona konke lokhu. Namadolobha afana negauteng, iport Elizabeth, imiddelburg necape Town azothola okufanayo.
Ngaphezu kwalokho inhlolokhono yonyaka ozayo isiqalile. Leli qembu limatasa lifuna abanamaphimbo amahle, ngomhla ka-2 no-3 August 2017. Amathikithi aseqalile ukudayisa abiza u-r200 e- computicket naseshoprite / Checkers ezweni lonke. tzondi@ilanganews.co.za