SEBASTIAN JILI
NGABE WUSUKU LWAKHO LOKUZALWA NAMUHLA?
ZETHWESE umthwalo wokusebenza kanzima uze uphothule konke osukuqalile. Kuningi obekukwenza ube nokudideka, kodwa ungase ubone ukuthi bekudalwa yini. Uma uzabalazela okuthe phecelezi uzozuza khona futhi. Uyawathanda amazwi anobuhlakani nabuyisa ithemba.
ARIES
UMA ufuna ukugcina umaqondana wakho enamathele kuwena, kukhona amaqhinga okumele uwacabange ujule ngawo. Uzobona ukuthi amatomu asezandleni zakho ekuqondiseni izimo zibe wokufunayo.
TAURUS (April 20-May 20)
KUKHONA isinyathelo ozosithatha emkhakheni othinta ezamabhizinisi. Abanye banezinkolelo ezahlukene ngawe qobo. Kunomunye okumele wenze isiqiniseko sokuthi uyamthinta noma uyambona.
GEMINI (May 21-June 21)
KUNINGI okusele ngemuva okumele ngabe kade wakulungisa. Zihlanganise nalokho okukujabulisayo ukuze ukhuthazeke kofuna ukuba kufezeke. Uyabona ukuthi izimbangi zakho zithanda ukukumisa kabi kodwa awunalo uvalo.
CANCER
UKUZETHEMBA kuzokusiza ukuba ukwazi ukuqhuba izinhlelo zakho kahle. Uzobona sengathi ziyancibilika izinkinga zakho uma ucabanga ngaphesheya kwazo. Kuzokusiza ukuhlaziya ubudlelwano bakho nabanye abantu.
LEO (March 21-April 19) (July 23-August 22)
UMQONDO wakho nemizwa yakho kumele kusebenzisane noma ubona sengathi awukho emgqeni ofanele. Ukufundisa ingqondo ukuba ucabange okuhle kungakunika inkululeko. Ukuzethemba kuncike ekuzitsheleni ukuthi akukho okungenzeki.
VIRGO (June 21-July 22) (Aug 23-Sept 22)
OKUBUYE kukwenze ungazithathi izinqumo ngesikhathi wukubuye ubuke kakhulu imuva lakho. Izenzo zakho kumele zikhulume ngaphezu kwamazwi. Kungakusebenzela ukusimamisa amandla omqondo wakho.
LIBRA (Sept 23-Oct 22)
ABANTU abakululekayo nalabo abakukhuthazayo bangadlala indima esemqoka empilweni yakho. Gqamisa kakhulu lokhu ofuna ukuba kuphumelele empilweni yakho. Uthando lwakho lungasimama uma nixazulula izinkinga zenu ngendlela enokwakha.
SCORPIO (Oct 23-Nov 21)
UNGABETHEMBI kalula abantu ngoba abaningi basondela kuwena ngenhloso yokuthola izinhlelo onazo zekusasa ukuze bezotshela izimbangi zakho. Kumele uqonde ukuthi ukuxolela kufana nokwenza isinqumo esithile.
SAGITTARIUS (Nov 22-Dec 21)
YANDISA amathuba okunqoba nokuzuza ngokubuka ukuthi uxhumana kanjani nabanye abantu. Okwenzayo makube nomsuka onesisekelo esiqinile. Ukubuka njalo ebuhlungwini kungaletha obunye ubuhlungu.
CAPRICORN (Dec 22-Jan 19)
KONKE okwenzayo osukwini qala ngokucabangisisa ngemiphumela yakhona kuqala. Ubuye udideke ukuthi yikuphi okumele ukwenze ukuze uthando lwakho lungabi senkingeni. Ukugxila ezigigabeni zothando olwedlule kuyokwenza ukuba ujule kakhulu ngemicabango.
AQUARIUS (Jan 20-Feb 18)
UBUYE uthathe izinto ngenhliziyo bese ungalutholi kalula usizo kwabanye abaseduze kwakho. Qaphela njalo ukuthi okushiwo ngabanye awusheshi ukukusebenzisa njengoba kunjalo. Ungalinge ubalise kodwa xhumana namandla angaphakathi kuwe uwasebenzise ukuzithuthukisa.
PISCES (Feb 19-March 20)
AMANDLA obuhlakani bakho abuye akhunjulwe ngabanye ekade sebekukhiphe inyumbazane. Uzobona izithelo zomzabalazo wakho zigqama kakhulu manje. Vivinya ubuciko bamakhono akho ngezindlela ezahlukene.