Ushone ebalisa ngechiefs
Umthandazo ngesikhwakhwalala esihaqe izimpofana
KUTHANDAZELWA ukuthi ukudlula emhlabeni kukamichael “Bizzah” Dlamini ( osesithombeni) kuqede isikhwakhwalala sokungenzi kahle kwekaizer Chiefs ayingqalabutho yayo njengoba egijime kuyona isungulwa ngonyaka we-1970 kuya kowe-1976.
Udlamini ufihlwe izolo ngoMgqibelo emathuneni asezinkawini, echesterville entshonalanga yetheku, ngemuva kwenkonzo ebise-olive Convention Centre, enorth Beach, ethekwini.
Unorman Mkhize oyiso likasihlalo wezimpofana, ukaizer “Shintsha Guluva” Motaung Kwazulu-natal, utshele abantu abebehambele inkonzo yesikhumbuzo kadlamini ngolwesine e-ethekwini Community Church (ECC) ukuthi bayafisa ukuthi ukudlula kwakhe kuqede ishobolo eli- landele le kilabhu eqede amasizini amabili adlule inganqobi nkomishi.
“Sinenkinga yokuthi amakilabhu amakhulu kuleli ichiefs neOrlando Pirates kawenzi neze kahle. Nokho-ke siyafisa ukuthi ukudlula kukadlamini kulethe izibusiso kwichiefs bese liqhube- ka ifu elimnyama kwabanye kuze kube bayafelwa nabo,” kusho umkhize oqokwe ngumotaung ngokukhethekile ukuba yistrategic Advisor kuwona wonke amaziko ale kilabhu Kwazulu-natal.
Ukubheda kwezinto kwizimpofana kuchazwe ngumlungisi “Professor” Ngubane njengenye yezinto ebeziwukhathaza kakhulu umoya kadlamini.
“Ngibe nenhlanhla umndeni kadlamini wangivumela ukuyombona esibhedlela.
"Ngimtshelile ukuthi akaguli, wukuthi udidwa yisibhaxu esikhala kwichiefs. Uvele wamoyizela uma ezwa ngiphatha igama lale kilabhu kwazise ubeyithanda ngokwedlulele maqede walula isandla wabamba esami wasiqinisa,” kusho ungubane osebenze isikhathi eside nodlamini.
Ungubane uthi udlamini ubehlale ekhala njalo ngokuthi abadlali abagijimela ichiefs yamanje kabasondeli nhlobo ohlotsheni oludingeka kule kilabhu esizakhele udumo ngokulanda abadlali basezimbabwe nokulinda abaphelelwa yizinkontileka kwi-absa Premiership kuyima isayinisa. Udlamini uchazwe njengendoda ebikholelwa kakhulu ekutheni abadlali babe qatha kakhulu.