3. UVAKASHELANA NOYISE WOMNTANAKHE AZE ALALE KHONA
Mfowethu ngiyazwelana nawe kodwa ke ngicabanga ukuthi usukwenzile ebekufanele ukwenze njengendoda ukuba uhlanganise imindeni uma kunento engahambi kahle othandweni lwenu. Singeke sakubalekela ukuthi kunzima ukuba sothandweni uma kungasathenjwana.
Iqiniso nje empilweni lithi akekho umuntu ophoqiwe ukuhlala othandweni uma engasathandi. Nqiqonde ukuthi akekho umuntu oyophoqwa ukuba athande omunye ngenkani.
Uma mfowethu enhlizweni yakho usamthanda futhi umdinga usisi, yenza lokhu okusenhlizweni yakho kodwa futhi uma ubona ukuthi cha akusavumi, ungenzeli abantu ngoba ukwenzela abantu othandweni kakukhokheli. Isinqumo-ke mfowethu sisele ngakuwe ngoba akekho umuntu oyonqumela omunye othandweni. PASTOR: Nginomuntu wesifazane engithandana naye, sihlala ngokuxabana ngenxa kayise womntanakhe ayethe kimi sebehlukene naye. Kangikholwa wukuthi behlukene ngoba bayahlangana, aphinde athi kimi usaya khona kuyise wengane kodwa abazolala ndawonye.
Uma ngithi makanciphise ukuvakashelana ne- ex yakhe uthi ngeke amoshe ubudlelwane bengane yakhe noyise wayo kodwa mina uma ngiyobona abami abantwana siyaxabana, akafuni ngenzenjalo.
IMPENDULO: Cha mfowethu umbhalo usobala la, ubudlelwane benu kubonaka sengathi anihloniphani futhi ngeke ngazi ukuthi yini eyayinihlanganisile uma ningalalelani kanje. Le yokuthi uyavakasha bese elala kubo kwayise wengane yakhe, cha mfowethu phela awumncane, umdala, lokho kusho khona nje ukuthi kakukaze kuhlukwanwe.
Akulula ukuba umuntu alale kubo kwe- ex yakhe. Uma le nkinga yenu ningayixoxi nizwane futhi nivumelane ubudlelwane bakho buzokudlisa ngamapayipi ngoba uzolukhu uhlale uzibuza uziphendula.
Uma unomuntu, ebudlelwaneni esekuzwisa ubuhlungu kakhulu ukudlula ubumnadi, ngayafisa ukwazi ukuthi usahlaleleni kuleyo nto. Kanti yini ehlalisa umuntu ebudlelwaneni?
Uma ukwazi ukuphendula lowo mbuzo uzokwazi ukuthi uhlaleleni ebudlelwaneni.
IMPENDULO: Cha dawethu esimeni obebhekene naso asingabe sisalanda kakhulu ngoba sizoshonelwa yilanga. Ngicabanga ukuthi uma kungukuthi niyathandana, uyamhlonipha naye uyakuthanda uyakuhlonipha vumelanani ukuthi nakhe umuzi wenu nisuke emndenini kodwa nihlale ndawonye njengabantu abashadile. Kuvamise ukuthi kungahambi kahlehle uma umakoti ehlala kubo kwamkhwenyana ngoba izinkunzi eziningi kazibusi esibayeni esisodwa.
Kunabantu abangakuhlukumeza bese uzibuza ukuthi engabe nge- PASTOR: Nginesoka engilithandayo, sobabili sikufacebook nakuWhatsapp. Belinokuxoxa nanoma ngubani ezinkundleni zokuxhumana mina ngingabi nankinga ngoba bengazi ukuthi bayazixoxela nje.
Emavikini ambalwa edlule nami ngiye ngaywayelana nomunye ubhuti sazixoxela nje into engayi ndawo futhi bekuyinto yasefonini. Isoka lami lafunda imiyalezo lapho ngixoxa khona nalo bhuti, ladinwa lathi ngoba nginendoda kungcono sihlukane.
Okokuqala nje sengimbekezelele kakhulu vele elokhu ethi ulungisa imali ukuze ezovela ekhaya acele isihlobo esihle kodwa sekuqala owesithathu unyaka manje, usesusa uchuku ngobala. Ngimshiye?
IMPENDULO: Ngelinye ilanga uma unganakile uyaqhatheka nje ngisho njengoba nje dadewethu ungibuza ukuthi “ngiliyeke yini isoka lami” awucabange nje nami sengithi muyeke noma sengithi qhubeka, uma esekugila mina sengithe qhubeka ngeke yini ukhale ngami, futhi uma sengithi liyeke isoka lakho kanti lizofunda ilanga libone ukuthi yimi othe liyeke uyabona ukuthi kuyongibhedela mina ngalolo suku.
Kumnadi ngoba ngikululeka nje sisi inkinga yenu inobungane phakathi futhi iqiniso lale nkinga obhekene nayo linye nje, elokuthi njalo uma nisezinkundleni zokuxhumana (Facebook & Whatsapp) nihlale nicabanga ukuthi uma omunye esezinkundleni zokuxhumana usuke enza le nto nomunye asuke eyenza kuzo.
Abasoze abantu abangathembekile bathembana - uma uhlala nesigebengu endlini siyohlala siku-