SIHLAZIYA UMCULO:
UMCULI : MLU LAMBISO ISIHLOKO : HLALA NAMI NKOSI UHLOBO LOMCULO : GOSPEL UNYAKA : 2017 AMAPHUZU : 5/10
UCULA amakhorasi namaculo aziwayo nezingoma aziqambele zona umlu kepha ngomoya wendumiso. Unalo ugcobo kulolu hlobo lomculo. Bazobusiseka abazalwane ngale albhamu yakhe.
Zili-10 sezizonke izingoma, zilandelana kanje: Worship medly, Hlala nami Nkosi, Uzokuphendula, Mangibethelwe uqobo lwami, Uyayithatha intengelutho, Ngimfumene ujesu, Ungumavula kuvaliwe, Ebenezer (Ft Sbonga Mtshali), Nank’umlilo, nethi Jes’ uphakeme kakhulu.
UMCULI : UQOTHANGEZWI ISIHLOKO : LAZELAFA IZWE UHLOBO LOMCULO : MASIKANDI WOQOBO UNYAKA : 2017 AMAPHUZU :
5/10
UCULA umculo onezeluleko uqothangezwi futhi usebenzise inkositina nezithako ezimnandi. Unekhono elibabazekayo, sengathi abaculi abaningi bangamfuza, bazithake ngokukhululeka izingoma zabo. Ukhala ngezingane ezingasabalaleli abazali bazo.
Zili-16 sezizonke, zilandelana kanje: Umntanami, Ubunzima, Ngixolele, Uzimeme, Ngikubekezelele, Istayela, Lazelafizwe, Zisedanyane, Umuntu, sonqoba kanjani, Uhlaludakiwe, Injabulo, Uthando, Kunjalo, somandla, nethi Uthando remix.
UMCULI : REV NKOMFA MKABILE ISIHLOKO : KUMBAYA UHLOBO LOMCULO : GOSPEL UNYAKA : 2017 AMAPHUZU : 6/10
IKHAFULA amalangabi ezulu inceku kule albhamu. Isho kuzwakale, kunyuke isithunywa. Indumiso iphakeme kuyoyonke le albhamu bazobusiseka abazalwane ngayo. Zili-12 sezizonke, zilamana kanje: Khangela phezulu, Thixo akunangqaleko, We bless your name, Egetsemane, Kumbaya, Ndoyenza, Babulela, Thixo ova izikhungo, Nguye, Dumisa uyehova, Masibuyele kuyesu, nethi Bawo wethu osezulwini. Iziqambele amaculo inceku.