KUHLONISHWE USOMABHIZINISI
USOMABHIZINISI ohlonishwayo Kwazulu-natal umnuz Calvin Mathibeli uhlonishwe ngomlomelo westandard Bank KZN Top Business Awards 2017 emcimbini obusengolwesine ebusuku ewavehouse egateway ethekwini. Le miklomelo bekungeyeshumi nanye yenziwa.
Lapha kusuke kuhlonishwa osomabhizinisi abakhulisa umnotho wakulesi sifundazwe baphinde benze umehluko ezimpilweni zabantu.umathibeli ungumnikazi weca-lvin and Family Group (CFG) enezinkampani eziyishumi ngaphansi kwayo.
Uthe uhlonishwe ngenxa yeqhaza lakhe alibambile ekudaleni amathuba emisebenzi, ukunikela emphakathini,
"Bekubhekwa nokuthi njengosomabhizinisi iliphi iqhaza engilibambile ekuthuthukiseni umnotho wakwazulu-natal. Ngizizwa ngihlonipheke kakhulu ngokuhlonishwa ngale ndondo. Sengike ngahlonishwa ngezindondo njengeyeForbes Africa neye-industry Leaders Magazine E-UK.
"Yize ngihlonishiwe kulezi zinda-wo ezingaphandle kodwa ayikho into emnandi njengokuhlo- nishwa ekhaya. Ngizimisele nokuqhubeka nokwenza kahle ukuze kuthuthuke umnotho wakulesi sifundazwe," kubeka umnu Mathibeli oveze ukuthi ukusebenza kwakhe kuhambisana nohlelo lukahulumeni inational Development Plan (NDP).
Phezu kwalo umathibeli unohlelo lokudala amathuba emisebenzi angu-5000 eminyakeni emihlanu.
Uthe lolu hlelo lokudala amathuba emisebenzi angu-5000 luhamba kahle kakhulu njengoba eqhubeka nokudala amathuba emisebenzi, agcina esexosha ikati eziko emindenini eminingi obekulalwa kungadliwe kuyona.