Uyangqongqoza kumabhokobhoko
Owasehluhluwe uqokelwe kwelesizwe
UNGQONGQOZA kumaBhokobhoko umdlali webhola lombhoxo waseHluhluwe oqokelwe esikwatini saseningizimu Afrika sabadlali abaneminyaka eli-19 ubudala esizogadulisana namazwe ase-europe ngomandulo (September) ewestern Cape.
Uphendulani Buthelezi ukubona kuzomcabela indlela ebheke kumabhokobhoko ukuqokelwa kulesi sikwati yize esafunda ibanga le-12 edurban High School (DHS), ethekwini. Uphendulani uyingxenye yesouth African Squad (U/19) ezodudulana newales, ifrance ne-italy ngenyanga ezayo ewestern Cape.
Abadlali abazomela elakuleli kule midlalo baqokwe kwicraven Week ebingenyanga edlule EDHS. Kule midlalo obekubhekene izifundazwe zakuleli kuyona, uphendulani ubengukaputeni weqembu lakwazulu-natal egqoke ijezi unombolo 8.
Ekhuluma naleli phephendaba uphendulani, uthi ujabule kakhulu ngokubizelwa eqenjni lesizwe. Uthi iphupho lakhe elikhulu wukugqoka ijezi lamabhokobhoko ngolunye usuku. Bathathu abafu- ndi basedhs abaqokelwe eqenjini lesizwe njengoba kunguphendulani, ucelimpilo Gumede nosanele Nohamba.
Uphendulani uzalelwe efalse Bay, ehluhluwe, enyakatho-mpumalanga yekwazulu-natal. Ufunde ehluhluwe Primary School lapho ehlomule khona ngomfundaze wokuyofunda EDHS. Uwuthole ngesikhathi enza ugrade 6. Uthi ehluhluwe ibhola lombhoxo lingomunye wemidlalo ehamba phambili. Uthi ukuzimisela kwakhe kulo mdlalo yikhona okuhehe abasedhs bamthatha.
Unxusa intsha yasehluhlulwe ukuba ingayibukeli phansi indawo ezalelwe kuyona, kodwa izimisele kukho konke ekwenzayo ukuba nekusasa eliqhakazile. Uthi yonke into iyenzeka uma umuntu ezimisele kuyona futhi esebenza kanzima.
“Ngijabule kakhulu ngokuqokwa kwami. Leli yithuba engizimisele ngokulibamba ngezandla zombili kwazise ngiphokophele ukugijima kumabhokobhoko ngolunye usuku. Okuhle wukuthi sengivele nginayo inkontileka nesharks (iqembu lesifundazwe lebhola lombhoxo lakwazulu-natal).
“Ngonyaka ozayo ngizimisele ngokwenza izifundo zecivil Engineering e-university of KwazuluNatal (UKZN) noma e-unisa, kuzokuya ngokuthi ngimatasa kangakanani (ebholeni lombhoxo),” kusho uphendulani ongumengameli womkhandlu owengamele abafundi EDHS.
Iningizimu Afrika izodlala neWales mhla zili-11, ibhekane neFrance mhla zili-15 bese ishukana ne-england mhla zili-19 kumandulo.
Uscott Mathie ophethe lo mdlalo EDHS, uthi ujabule kakhulu ngabadlali bakhe. Uthi uthando nokuzimisela abakukhombisa kulo mdlalo yikona okubafake eqenjini lesizwe.
Ngijabule kakhulu ngokuqokwa kwami...