Kunyomfeke izinhlelo zomqeqeshi wechiefs

Likhulu isasasa ngomdlalo WEMTN8 ethekwini

KUPHAZAMISEKE umgqigqo wokunqoba obudingwa ngusteve “Mphathi” Komphela ongumqeqeshi wekaizer Chiefs ngaphambi komdlalo omqoka WEMTN8 abazowugijima nesupersport United ngoMgqibelo ngo-20h15 emoses Mabhida Stadium, ethekwini.

Izimpofana zihlulwe yichippa United ngo-1-0 kowepremier Cup izolo ngomgqibelo esisa Dukashe Stadium, emdantsane, emonti, e-eastern Cape. Ukatlego “Mahoota” Mashego nguyena ovalele igoli lechilli Boyz esikhathini esengeziwe.

Uvalele ingcwenga ye- free kick ayizwe ngendaba ubrilliant Khuzwayo ongunozinti wechiefs okunguyena obese egqoke ibhande likakaputeni ngemuva kokukhishwa kukawillard “Salt & Vinegar” Katsande nomulomowandau Mathoho abagqoke leli bhande kulo mdlalo ngokulandelana ngaphambi kokuba baphunyuzwe.

Isupersport icijwa ngu-eric Tinkler ohlale eyinika ubunzima ichiefs, okungenye yezinto ezenza umdlalo wangomgqibelo ube sesasasa.

Izimpofana ziwubheke ngabomvu lo mdlalo kwazise kaziyazi injabulo yokuqukula inkomishi ngaphansi kobuholi bukakomphela okuyisizini yakhe yesithathu elolonga le kilabhu kulena ezowkwethwasa.

Ngaphambi komdlalo wechippa, ukomphela uthe ufuna ukunqoba lo mdlalo ukugcina umgqigqo wokunqoba njengoba benze kahle emiqhudelwaneni yokulungiselela ukuqala kwesizini entsha. Ichiefs inqobe ibokone Bophirima Maize Cup yalandelisa ngokuhlabana ngecarling Black Label Champions Cup ihlula i-orlando Pirates ngo-1-0 ngeledlule EFNB Stadium, egauteng. Ukomphela uthe kumqoka ukufaka umoya wokunqoba njalo kubadlali ngoba lokhu kuyisiko kule kilabhu yakwamotaung. Nokho ngemuva komdlalo uthe kuningi akubonile kuwona.

“Ngesiwombe sokuqala besifuna ukubheka ukuthi siqine kangakanani emuva. Sidlale kahle kakhulu singaxhamazeli futhi siphaselana kahle. Nokho-ke kukhona okumele sikulungise nakhona.

Ngesiwombe sesibili bese sihlola nabanye abadlali ukuthi baku- liphi izinga ngaphambi kokuqala kwesizini. Okwamanje ngeke ngikusho kugcwale umlomo ukuthi sesikulungele ukuqala kwesizini. Kusamele sisebenze kanzima,” kusho ukomphela.

Udan “Dance” Malesela ocija ichippa, uthe kuningi okuhle nokubi akubonile kulo mdlalo. Naye ucule iculo likakomphela lokuthi kusenzima ukuphumela obala ngokuthi useyilungele isizini entsha. Uthi kusamele balungise amaphutha.

Yize ekhulume ngalolu hlobo umalesela kodwa ezakhe zithumele umyalezo ocacile kwi-orlando Pirates abazovula nayo imidlalo ye-absa Premiership ngomgqibelo mhla zili-19 kwephezulu e-orlando Stadium, esoweto.

Ichippa ibidlala ibhola elihlangene kodwa kucaca ukuthi isa- dinga isikhashana ukudidiyela kahle abadlali abasha nabadala bale kilabhu. Ibucs isabamba iyeka njengoba isanda kuqasha umilutin “Micho” Sredojevic waseserbia njengomqeqeshi omusha ngemuva kokushiya kukakjell Jonevret wasesweden.

Isiyonke imidlalo yama-quarter final EMTN8 imi kanjena:NGOLWESIHLANU Ebidvest Stadium: Bidvest Wits vs Golden Arrows 20h00.

NGOMGQIBELO Ecape Town Stadium: Cape Town City vs Polokwane City 15h00.

Emoses Mabhida: Kaizer Chiefs vs Supersport United 20h15.

NGESONTO Elucas Moripe: Mamelodi Sundowns vs Maritzburg United 15h00.