Iqhatha umndeni ekakomphela kwichiefs
Kusolwa nezinqumo zikabobby Motaung ngokufa kwezimpofana
USATSHISWA ngokusocongwa ubobby “Bobsteak” Motaung oyisikhulu sekaizer Chiefs osolwa ngabalandeli bale kilabhu ngokuyibulala.
Ichiefs iyiqale kabi isizini njengoba emidlalweni emithathu esayigijimile ingakanqobi ngisho owodwa. Iqale yakhishwa yisupersport United ngo-1-0 kwisemi- final YEMTN8 emoses Mabhida Stadium, ethekwini, yase ibambana neBloemfontein Celtic ngo-1-1 kowe-absa Premiership efree State Stadium. Ngolwesithathu ihlulwe yisupersport United ngo-2-1 koweligi EFNB Stadium, esoweto.
Ukuhlulwa kwayo yisupersport kakwehlanga kahle kubalandeli njengoba bejikijele usteve “Mphathi” Komphela ongumqeqeshi bethi makahambe kabasamufuni. Bebethi nobobby makahambe, bafuna isi- khundla sakhe sithathwe ngumfowabo omncane, ukaizer Motaung Jnr.
Leli phephandaba lithole ukuthi ubobby usethuka izanya njengoba kunabalandeli abamuthumelela imiyalezo bemusabisa. Bathumela le miyalezo nje, leli phephandaba lithole ukuthi isimo simapeketwane ngaphakathi kule kilabhu njengoba ukaizer “Shintsha Guluva” Motaung ongusihlalo wale kilabhu esola ubobby ngezinye izinqumo azenzayo.
Umthombo waleli phephandaba ozazi zonke ezithinta ichiefs, ulitshele ukuthi ushintsha Guluva uqale uphenyo lwangaphakathi njengoba esola ukuthi ubobby uhlangene nemenenja ethize, enenkampani ephethe abadlali, okusolakala ukuthi usayinisa abadlali bayo kwichiefs ngoba bengabangani.
Kuthiwa ngaphandle kwalokho, ushintsha Guluza ubize umhlangano webhodi yechiefs ukuba kubhungwe udaba lukaKomphela kungaze konakale izinto eziningi.
“Ushintsha Guluva ubazisa kabi abalandeli, njengoba ebiza umhlangano webhodi nje, ufuna ukomphela azobaphendula ukuthi uzosiguqula kanjani lesi simo ikilabhu ebhekene naso. Mancane amathuba okuthi aqhubeke ngoba ushintsha Guluva ulibeke ngesihloko elokuthi sebemuvikele kakhulu kabasazi ukuthi bazomhlenga ngaliphi manje,” kusho lo mthombo.
Ubobby wale waphetha ukuphawula ngalolu daba ngesikhathi ethintwa yileli phephandaba, ukhale ngokuba matasa ngezinto ezithile. Ucingo lukashintsha Guluva belukhala lungabanjwa. Abalandeli kabasamfuni ukomphela nje, yingoba selokhu efikile kumasizini amabili edlule akakaze abanqobele nkomishi emqoka. Ukomphela uqashwe yichiefs evele engakaze anqobe nkomishi emlandweni wakhe yize eneminyaka engaphezulu kweli-15 eqeqesha.
Ushintsha Guluva ubazisa kabi abalandeli, njengoba ebiza umhlangano...