UZOQONDISWA IZIGWEGWE OSHAYISE EYE-ANC
KULINDELEKE ukuba abhekane nekomidi eliqondisa ubugwegwe umgqugquzeli weAfrican National Congress ngaphansi kwesifunda ifar North, emkhanyakude, enyakatho-mpumalanga yeKwazulu-natal, lapho ezochaza khona kabanzi ngembangela yengozi eholele ekutheni kulimale imoto yeANC abeyishayela.
Kusolwa ukuthi umnu Thulani Dumisa ubebudlonyile ngesikhathi kwenzeka le ngozi kun2 ngasemkhuze ngoLwesine kusihlwa ngezithuba zehora lesi-7. Kuthiwa uboshelwe khona lapho endaweni yesigameko. Imoto ebihamba umnu Dumisa kubikwa ukuthi ingene ngemuva enye imoto.
Umthombo ozibonele kwe- nzeka le ngozi uthi imoto ebishayelwa ngumnu Dumisa ibihamba igcwala umgwaqo.
Ngolwesihlanu udedelwe ngebheyili ka-r1 000, yinkantolo yemantshi yasobonjeni. Ngokuthola KWELANGA
Langesonto umnu Dumisa ubesendleleni ebheke emtuba ngesikhathi kwenzeka ingozi.
Kuthiwa ubehamba nevolontiya elihlanza ihhovisi lale nhlangano emkhuze. Umthombo WELANGA
Langesonto osondelene naye umnu Dumisa uthi bamkhuzile ukuba angayisebenzisi le moto ngoba ubengagunyaziwe ukuyisebenzisa ngaleso sikhathi.
ILANGA Langesonto lixhumane nomnu Nkosingiphile Mlambo ongunobhala wesifunda WE-ANC okuqinisekisile ukuthi kusasa ngomsombuluko lo mholi uzovela phambi kwekomidi ezochaza kabanzi ngokwenzekile.
Uthe ngokombiko abanawo, umnu Dumisa ubephuzile ngesikhathi kwenzeka ingozi, wathi bazolindela umbiko wophenyo lwamaphoyisa, emuva kwalokho kuthathwe izinyathelo.
“Cha noma ngabe siyathanda ukuvikelana kodwa okukaDumisa kuyehlula. Ngimbizile ukuba sihlangane naye ehhovisi lami nabanye ozakwethu sifuna azochaza kabanzi ukuthi ungene kanjani emotweni ebukhile (njengoba kushiwo).
"Sizomthathela izinyathelo ezinqala. Uma simyeka kuyobe kusho ukuthi seseka into engalungile. Kuyicala ukushayela udakiwe ikakhulukazi emgwaqweni omkhulu kanga- ka.
Nangokwemigomo yeqembu lethu kuyicala ukuhamba ngemoto ungagunyaziwe,” kusho umnu Mlambo.
Umsolwa uzobuyela kule nkantolo mhla zingama-23 kumandulo (September). Okhulumela amaphoyisa Kwazulu-natal ucapt Nqobile Gwala usiqinisekisile lesi sigameko.
“Kuboshwe umlisa (47) ngecala lokudala ingozi emgwaqweni nokushayela ephuzile. Amacala aphenywa esiteshini samaphoyisa emkhuze,” kusho ucapt ugwala. ISALE inje imoto YE-ANC okuthiwa idale ingozi emgwaqweni omkhulu un2 ngasemkhuze.