Wala ukhasha namanje ukuphawula
Ucele ukuthunyelelwa isms wangayiphendula
NAMANJE akayithi vu eyobudlelwano noyise wengane yakhe untando Duma ongumlingisi nomethuli wezinhlelo, phambilini okusabalale amahlebezi okuphela kabuhlungu kobudlelwano babo.
Ubudlelwano bakhe untando noJunior Mzizi onguyise wengane, owaziwa kangcono ngojunior De Rocka ongudj nomsakazi kwigagasi FM, bebaziwa.
Kuzokhumbuleka ukuthi phambilini sibikile nakwilanga Langesonto ngokusabalala kwamahlebezi okwehlukana kwabo kodwa bona bagcine bengaphumelanga obala, ukucacisa ngalokho.
Okuqinise izinsolo zokuhlukana kwabo wukunqamuka komkhuba abebewujwayele wokusakaza izithombe zabo ezinkundleni zokuxhumana ikakhulukazi ngaphambi kokuba babe nendodakazi usbahle Lisakhanya Mzizi.
Ekhuluma naleli phephandaba untando ngezenzeka kuye muva nje njengoba kubukeka izinto zimhambela kahle emisebenzini yakhe, wale waphetha ukuphawula agxile ebudlelwaneni babo.
“Uyezwa nje nawe ukuthi ngithokozile. Angifuni ukukhuluma ngale ndaba ngoba nibuye niyihlanekezele. Hhayi sekumele ngihambe, nansi ingane ifuna ukuncela, ungithumelele leyo mibuzo nge- sms khona manje ngizoyiphendula,” usho kanje eshaya ngamafuphi.
Akazange-ke azihluphe ngokuphendula leyo sms ngobudlelwano bakhe noyise wengane.
Uvezele leli phephandaba ukuthi ngolwesine bekuqala uhlelo lwakhe olusha emsakazweni okwi- internet itouch HD olusakazwa nguye uqobo phakathi kwehora le-12 nelokuqala emini nsukuzonke. Uthi lubizwa ngeblack Twitter Unleashed with Ntando Duma.
“Sibheka zonke lezi zinto ezigqame kuma- social network siphinde sibize nalaba ababizwa ngamatwelebs ukuze siqonde kangcono ngalezi zinto abahlale bezibhala ezinkundleni zokuxhumana baze babe ngosaziwayo bakhona. Konke nje okwenzeka kwi- social media siyakudingida kulolu hlelo,” usho kanje.
Uthi omunye umkhankaso awuholayo ngowaziwa ngemtn Mega Star wokuthungatha ithalente kwabaculayo oqale ethekwini izolo.
“Sizohambela izifundazwe ezahlukene njengoba siqalile esibaya Casino ethekwini ngalo mncinti- swano ozokhonjiswa kwi- internet
Uyezwa nje nawe ukuthi ngithokozile. Angifuni ukukhuluma ngale ndaba...