INDUMALO KU-NEYMAR KUHLUKUMEZEKA UMKHAYA WAKHE

UNEYMAR osanda kuthengwa ngezigidi yiparis-saint Germain (PSG) yasefrance esuka kwibarcelona yasespain uzwakalise ukudumala ngokuhlukumezeka kukaPhilippe Coutinho weliverpool yase-england.

Ucoutinho kuthiwa ubuhlungu kakhulu ngokungaphumeleli kwephupho lakhe lokujoyina ibarca. Ucoutinho bese kusabalele imibiko yokuthi uzojoyina lezi zinkunzi zasespain. Naye kuthiwa ubekujabulela kakhulu ukuqina kwezingxoxo zokushiya kwiliverpool.

Kuze kwavalwa iwindi lokuthengiselana ngabadlali engasayine lutho nebarca. Uneymar ongumkhaya kacoutinho njengoba bobabili bedabuka ebrazil, uthi kubuhlungu okwehlele umlingani wakhe.

“Bekumele kube yisikhathi senjabulo lesi kucoutinho nomndeni wakhe. Ukudlalela ibarcelona kusho ukuthi ungumdlali okhethekile. Bengizitshela ukuthi lizofezeka iphupho lakhe lokujoyina le kilabhu nami ebengidlala kuyona. Sekunesikhathi ezwakalisa ukuthi ufuna sidlale ndawonye kwibarca.

“Ngize ngayishiya ibarcelona engafiki. Kusiphatha kabuhlungu njengabalingani bakhe esikwatini sebrazil ukumbona ephuke umoya. Nokho-ke kube ngconywana ngoba izinyembezi uzesule ngokuvalela elinye lamagoli esihlule ngawo i-ecuador kowokuhlungela indebe yomhlaba,” kusho uneymar ongumngani omkhulu kacoutinho. Ibrazil inqobe lo mdlalo ngo-2-0.

Isiyonke imidlalo yokuhlungela indebe yomhlaba ezoboniswa bukhoma kwisupersport ihlelwe kanje:

KUSASA NGOMSOMBULUKO

Cameroon vs Nigeria 19h00 (SS3/ SS9/ Maximo1).

NGOLWESIBILI

Congo vs Ghana 16h30 (SS3/ SS9).

South Africa vs Cape Verde 19h00 (SS4/ SS10/ Maximo1). Egypt vs Uganda 20h00 (SS3). Algeria vs Zambia 22h30 (SS9/ Select1/ Maximo360).

Bolivia vs Chile 22h00 (SS5/ Maximo2).

Colombia vs Brazil 22h30 (SS3/ Maximo).

Ecuador vs Peru 23h00 (SS7/ Maximo3).

NGOLWESITHATHU

Argentina vs Venezuela 01h30 (SS3/ Maximo).

Paraguay vs Uruguay 02h00 (SS5/ Maximo2).