Ulaxaze inkampani "ebimxhopha" unathi
Kanti ubevele ebekhala ngokunganakwa
EZAKAMUVA zithi unathi Mankayi wodumo lukanomvula usegcine eyilaxazile inkampani ebiyengamele umsebenzi wakhe imotherland kalance Stehr.
Kuzokhumbuleka ukuthi zolo lokhu leli phephandaba libike ngokukhalaza kwakhe ngokuthi akasanakiwe kule nkampani njengoba kusakhothanyelwa uvusi Nova oshisa izikhotha kulezi zinsuku.
Umthombo osondelene kakhulu nezenzeka kuleli khaya uthi isipikili sokugcina kube wukuthola kwakhe ukuthi “ubexhoshwa” ezimalini.
“Khumbula phela ukuthi ngale nje kokuthi ubeqopha khona bekuthi noma eqashwa ukuyocula, akhokhelwe kuyo le nkampani. Kuthiwa uthole ukuthi imali abenikwa yona kakusiyo le abeqashwa ngayo.
“Yinto endala-ke vele indaba kalance nokuxhopha abaculi kusukela kudala esangamele ighetto Ruff obekuqoshwa ngaphansi kwayo uzola, DJ Cleo nomzekezeke bonke bahamba ngenxa yakhe nokubaxhopha ngezimali,” kuchaza umthombo.
Uqhuba uthi kawunaso isiqiniseko sokuthi kufikwe nini kulesi sinqumo kodwa impela kusukela ngenyanga edlule bese engaseyiyo ingxenye yale nkampani unathi. Uthi nangesikhathi kugujwa ukuthi ulance useqede iminyaka engamashumi ama-30 ekule mboni, lesi sihlabani besingabonwa nango khalo.
Kuzokhumbuleka ukuthi unathi ubeyintandokazi nge-albhamu ibuyelekhaya ebigabe ngenoni unomvula ngo-2015. Izinto zibhede kwialbhamu yesibili Umbulelo Wam ngo2016 kanti kuzochuma uvusi Nova kulesi sitebele.
Lizame lancama ILANGA Langesonto ukumthola unathi. Ucingo lwakhe beluya ngqo ebhokisini le miyalezo. Omunye umthombo uthe ubehambele kwelakubo emthatha njengoba bekuvele isifo emndenini. Ulance uvele wakhuza umhlola ebuzwa ngalolu daba.
“Akukho okusha engikwaziyo. Unathi usasebenza nathi futhi akakaze ayiphathe eyokufuna ukushiya. Besixoxa naye nje ngolwesibili ngoba siba ne- mihlangano, akazange ayiphathe leyo. Bathi ushiyeleni?
"Uyazi nje into ongase uyenze wukubhala ngomculo wethu omusha ngoba lokho angikwazi. Utheni yena,” kubuza ulance eqhuma phezulu nangohleko.