Imake-up mayihambisane nesikhumba sakho
UBUSO bowesifazane osebenzisa imake- up buhlale ngaso sonke isikhathi buheha uma eqhamuka. Kusukela ekutheni uyifake kanjani, kungabe iyamfanela yini noma cha.
Kanti nabo abesifazane abasebenzisa imake- up kabazibekile phansi, abanye uke ubathole emabhasini noma emotweni beshaya ama- touch up okugcina ukuqikelela ukuthi konke kuhamba kahle. Njengoba sekungene intwasahlobo nezinto zobuso ziyashintsha, kwazise isikhumba kumele sibukeke sichachambile futhi sisihle.
Sikhulume nofuthi Mkhize ongumnikazi wesikole esifundisa siphinde sicebise ngobuhle esibizwa ngebuhle Beauty Academy. Uthi njengoba sekuphume ubusika indlela yokunakekela ubuso nayo iyashintsha.
“Uma kusebusika isikhumba siyagqunqa ngenxa yamakhaza kanti ehlobo yila sikwazi ukuba sikhanye kahle. Yingakho nezinto esizisebenzisayo kumele zishintshe ebusika kusuke kusetshenziswa ukhilimu ojiyile wasebusweni bese kuthi ehlobo sisebenzise ilotion ngoba ilula yona futhi isheshe incibilike uma uyigcoba futhi yenza ungajuluki kakhulu kwazise kusuke sekushisa,” kuchaza yena.
Ufuthi uthi kubalulekile ukunakekela isikhumba ngaphambi kokusebenzisa imake-up. Isikhumba esinganakekelwa sivele sibukeke sengathi singcolile noma kayifakiwe kahle .
“Uma ubheka izinto ongazisebenzisa kudingeka ungabheki izinto ezisebenzela umngani wakho bese ucabanga ukuthi zizokusiza nawe. Singabantu sinohlobo lwesikhumba esingafani njengoba kukhona esibizwa ngokuthi si- oily, yi- combi
nation, si- dry ne-sensitive skin. Kubalulekile ukuba uye kumuntu owazi kabanzi ngesikhumba ngaphambi kokuthatha into yokugcobisa ubuso,” kuchaza yena. Ekunakeni ubuso uthi kubalulekile ukuba usebenzise lezi zindlela ezilandelayo:
*CLEANSER/ FACEWASH
Lokhu kusiza ekubeni isikhumba sicoliseke, kusuke izintuli namafutha. Kubalulekile ukuba usebenzise okuhambelana nohlobo lwakho lwesikhumba. Uma unesikhumba esinamafutha kuba lula ukuba isikhumba sidonse ukungcola.
*EXFOLIATOR/ SCRUB
Isusa isikhumba esidala kuvele esisha, ivule nezimbobo ebusweni ukuze isikhumba siphefumule kahle. Uma unesikhumba esinamafutha kuba kuhle uma uzosebenzisa le ebhalwe u- daily exfoliator ngoba idonsa kakhulu ukungcola.
*MASK
Nayo ihlukaniswe ngokwezinhlobo zesikhumba, ihlanza amafutha ebusweni, isize nasekuqedeni olayini esikhunjeni ngokuthi iphe isikhumba amafutha emvelo.
*TONER
Uthi iningi lama- toner liqukethe ihydroquinone okuyisithako esikhanyisa ibala kanti amanye anezinga eliphezulu le- alcohol nokugcina kwenze isikhumba ukuba sizwele kakhulu. Uthi ngokwakhe akayithandisisi ngoba ilimaza isikhumba kodwa nayo iyakhuculula.
*MOISTURISER
Njengoba sekushisa uthi kuhle ukusebenzisa ilotion enesivikeli selanga esiphezulu (SPF). Kumele kube yi-lotion ngoba sekuyashisa.
*FOUNDATION
Kumele ufunde umbhalo ukuthi uthini futhi ucele ukuchazelwa ukuze ungathengi noma yiphi.
*POWDER
Kukhona i- loose powder (ecishe ifane nalo wezingane) ne- pressed powder (ngokujwayelekile baba nesibukwana ne- sponge). Okwenza kuhluke izinhlayiya zakhona.
Ufuthi uyala abesifazane ukuba behlukane nomkhuba wokususa wonke amashiya kanjalo nalabo abenza lawo azenza sengathi amagagasi.
Uthi lolo hlobo lusetshenziswa kuma model uma esuke ekhangisa ngezimpahla kakusiyo into ongayenza nsukuzonke.
“Ishiya kumele libukeke sengathi elendalo libe ne-shape. Uma lingenziwe kahle lingenza bungabonakali ubuhle be- make up yakho. Izinkophe ezifakelwayo eziyibhande kazisekho esitayeleni.
“Kwezinye izindawo basebenzisa iglue yasekhanda nokuyinto engakwenza ugcine uvalekelwa amehlo,” echaza.
Uthi sekufakwa lezi ezifakwa ngokuhlukana bese ubuye uzigcwalise uma kuqhubeka isikhathi ngoba ziyaziqathekela kancane.
I-EYELINER
“I- eyeliner njengoba sekuyispring sisebenzisa imibala eyahlukene, uma uthanda ungasebenzisa umbala ozomesha into osuke uyigqokile,”kuqhuba lo mcwali wobuso.
Ngonyaka owedlule uthi isitayela ebesingenisile bekuyi-contour
ing lapho obusuke ucijisa khona iziqhomo, isilevu, isiphongo nekhala.
Kulokhu kusetshenziswa ukugqamisa kusuka esiphongweni wehle uze ufike embombweni wekhala, uye phezu kweziqhomo nesilevu uma uthanda okubizwa ngestro
bing.
Ufaka iblusher nehighlighter ukuze ugqame. Kumele kwenziwe ngendlela yokuthi imake- up yakho ibukeke kungeyendalo ingabi nehaba.
Ngisho amalipstick imbala kuba nganombala ongagqamile kakhulu, uma kungumbala ogqamile zama ukuba ukhethe ishade ephaphathekile.
Ugcizelela ngokuthi ukuze isikhumba sibe sihle kubalulekile ukusinakekela ngaphakathi kuqala ngokuphuza amanzi ukuze sihlanzeke.