Kakusizi ukuxazulula izinkinga ngolaka
ISINQUMO senkantolo ephakeme emgungundlovu ngolwesibili esivune uhlangothi oluholwa ngo wayengu nduna n kuluwaKwazulu-natal owagudluzwa, umnu Senzo Mchunu, a singa bh e b h ethe k isi inzondo namagqubu eqenjini likaKhongolose ANC, kepha a kusebenze iqiniso nenqubekela phambili.
Sibona sengathi uqhekeko kuleli qembu elidala kunawowonke e-afrika ludla lubi njengoba uphiko lwentsha nolwabesifazane kuleli qembu Kwazulu-natal bephumele obala bephikasana nombono wesigungu esiphezulu seqembu, ikomkhulu lalo eluthuli House egoli.
Sibona ukuthi nanxa kuyilungelo labo abaholi besifundazwe ukubiza isithangami sabezindaba ngokushesha kodwa bekumele kube khona ukuxhumana nobuholi kuzwelonke kubizwe isithangami sabezindaba kukhulunywe ngezwi elilodwa.
Lokhu okwenzekile kushiye abaningi benesithombe sokuthi kunomdonsiswano phakathi kobuholi obuphezulu nobesifundazwe saKwazulu-natal okuyinto okungamele yenzeke. Uma kukhona ukungaboni ngasolinye kakumele amanabukeni agezwe esidlangaleni, kufanele nabalandeli bagcinwe beyimbumba beyi-anc bangalandeli umuntu.
Kuhle bonke abasezikhundleni kule nhlangano bazibuze ukuthi ngubani U-ANC, yilapho-ke bazokhumbula khona ukuthi bonke bayizithunywa zeqembu, akekho ongumnikazi walo. Into uma uyiphathele abantu kumele uyiphathise okwezikhali zamantungwa. Uma kungenzeka ukuba isifundazwe sakwazulu-natal siledlulise icala njengoba sisho kusobala ukuthi isinqumo salo singaze siphume ngonyaka ozayo sekwedlule ngisho ingqungquthela yokukhetha ubuholi obusha engozibandlela.
Kuzobe kuyaqala ukuba kuyiwe kule ngqungquthela amagatsha enhlakanhlaka. Abazobe belawula amagatsha phambili bazothwala kanzima kuculwa izingoma ezesekela abaphakanyisiwe, okungagcina sekubizwe amaphoyisa.
Uma kunjalo-ke kungasho ukuthini konke lokhu ezweni lasesouth Afrika? Kusobala ukuthi izitha zeANC zingahlaba imbuzi zibonge abaphansi ukuthi ngempela umuthi wazo idungamuzi usebenzile. laphoke unelson Mandela, u-oliver Tambo nowalter Sisulu nazo zonke izishoshovu ezalwe la lenkululeko zingadumala ngenxa yabantu abalawulwa yintukuthelo.
Iyethusa indlela osopolitiki baleli zwe asebesebenza ngayo,cisho bonke sebengenwe ngumoya wokuxazulula izinkinga ngolaka sekuze kume yonke into ngisho ephalamende amalunga esishayamthetho ekhushukelwa yimimoya .
Ayikhuzwe lento ngoba lo moya usukapakele ngisho nakubalandeli bamaqembu, kabasakwazi ukubonisana ngomoya wesonto. Yikho-ke lokhu okwesabisayo okungenza isimo singalawuleki abantu bagcine sebexazulula izinkinga zabo ngempi.