I-ASA IWUPHONSE KUBASUBATHI OWAMA-COMMONWEALTH
ISIHLUTHULELO sesijikijelwe kubasubathi baseningizimu Afrika ukuzivulela umnyango endizeni ye-athletics South Africa (ASA) ebheke kumacommonwealth Games azoqala mhla zizine asongwe zili-15 kumbasa (April) wonyaka ozayo egold Coast, e-australia.
I-ASA imemezele isikwati sabasubathi abangaphezulu kwama-50 ezohlunga kusona abazomela elakuleli kule midlalo yasegold Coast.
I-ASA izokuya kule midlalo ihambela phezulu ngemuva kokuba abasubathi bayo bebeke elakuleli endaweni yesithathu emhlabeni kwi-international Association of Athletics Federation (IAAF) World Championships abenonyaka elondon.
Ngaphambi kwemidlalo yaselondon, I-ASA ithole okukhulu ukugxekwa ngokushiya ngaphandle abasubathi abathile esikwatini sayo. Nokho abasubathi abangafakwanga kwesaselondon, bafakiwe esikwatini esisazohlungwa.
I-ASA ithe iqembu lokugcina lizomenyezelwa ngonyaka ozayo. I-ASA icacisile ukuthi ukuba khona kwamagama abasubathi kulesi sikwati kakuqinisekisi ukuthi nakanjani (lowo msubathi) uzokuya kumacommonwealth.
I-ASA iphonsele inselelo bonke abasubathi abafakwe kulesi sikwati kanjalo nabaqeqeshi babo ukuqinisekisa ukuthi basebenza kanzima ukwenza izikhathi ezingcono ukuze bafakwe esikwatini sokugcina.
Leli qembu libunjwe ngabasubathi abasebancane nasebemnkantshubomvu emimdlalweni yomhlaba. Phakathi kwasebevuthiwe abafakiwe kukhona uwayde van Niekerk ophethe irekhodi lomhlaba kwi-400m, ucaster Semenya, uluvo Manyonga bobathathu ababuye nezindondo elondon.
Omunye umjaho okubhekwe ukuba abasubathi bazame ukwenza izikhathi ezingcono kuwona yicape Town Sanlam Marathon enamuhla ngesonto ecape Town.
Selilonke iqembu lakuleli limi kanje, kwabesilisa: u-akani Simbine, uwayde van Niekerk, uthando Roto, uhenricho Bruintjies, u-emile Erasmus, ugift Leotlela, u-anaso Jobodwana, uncincihli Titi, uclarence Munyai, ulebokeng Sesele, uhendrik Maartens, uloxolo Adams, upieter Conradie, uranti Dikgale, uthapelo Phora, u-ashley Hlungwani, urynardt van Rensburg, ujacob Rozani, uhenco Uys, utshepo Tshite, ujerry Motsau, urantso Mokopane, udumisane Hlaselo, ustephen Mokoka, u-antonio Alkana, ucostant Pretorius, ULJ van Zyl, ucornel Fredricks, ule Roux Hamman, udesmond Mokgobu, ulusapho April, ulebogang Shange, uwayne Snyman, uchris Moleya, ubreyten Poole, uluvo Manyonga, uraswahl Samaai, uzarck Visser, ugodfrey Mokoena, u-orazio Cremona, ujaco Engelbrecht, uvictor Hogan, uchris Harmse, urenaldo Frechou, utshepang Makhethe, urocco van Rooyen, uphil-mar J V Rensburg nojohan Grobler.
Kwabesifazane: ucarina Horn, utebogo Mamatu, ujustine Palframan, u-alyssa Conley, ucaster Semenya, ugena Lofstrand, udominique Scott, urikenette Steenkamp, uclaudia Heunis, uwend Nel, u-anel Oosthuizen, ulynique Prinslo, u-ischke Senekal no-sunette Viljoen.