KUSHAYISANA IMIBONO NGESITOBHA SE-CHIEFS
INDIDA ngomdlali wekaizer Chiefs okuvela ukuthi uzohlala izinyanga ezine engalikhahleli ibhola ngenxa yokulimala.
Ichiefs imemezele ukuthi uramahlwe “Rama” Mphahlele odlala emuva ngeke abonakale kule kilabhu izinyanga ezine ngenxa yokulimala idolo.
Iveze ukuthi lo mdlali ulimale emele iqembu lesizwe lakuleli, ibafana Bafana, lapho lidlale khona imidlalo emibili yokuhlungela indebe yomhlaba necape Verde Island emasontweni ambalwa edlule. Sekungumlando ukuthi ibafana yehlulwe kuyo yomibili le midlalo.
Kubikwa ukuthi uhlinzwe ngoMsombuluko.
Leli phephandaba lithole ngomthombo ukuthi kakulona iqiniso ukuthi lo mdlali uzohlala izinyanga ezine engadlali, kuthiwa uzosheshe abuye.
Lo mthombo uthe: “Kakulona iqiniso ukuthi uramahlwe uzohlala izinyanga ezine engadlali ngenxa yokuhlinzwa idolo.
"Khona ulimele kodwa kakuyona into engamhlalisa isikhathi eside kangaka.
"Mushayele umbuze naye imuthusile eyokuthi uzohlala izinya- nga ezine ngoba kayilona iqiniso leyo yinto.”
Leli phephandaba lishayela umphahlele ngalolu daba, uthe ngeke akwazi ukuphawula ngalo.
Ugcine ngokuthi: “Ngiphatheke kabi ngokulimala ngoba bengisefomini kodwa izinto ezinjena ziyenzeka ebholeni.
Kodwa-ke ngeke ngikwazi ukuphawula ngeyokuthi ngizohlala isikhathi esingakanani.”