"Udinga ukwesekwa udkt Makhosi Khoza"
Uyayiphika eyokuyojoyina IDA
UDKT Makhosi Khoza, osematheni kulezi zinsuku ngemuva kokwesula kwi-african National Congress (ANC), udinga ukwesekwa ngabantu baseningizimu Afrika nangabaholi beANC.
Lokhu kushiwo ngunkk Barbara Masekela oyilungu elingumakadebona LE-ANC. Unkk Masekela uke waba yilungu lesigungu esiphezulu SE-ANC nenxusa leningizimu Afrika e-united States of America (USA).
Ukholwa wukuthi udkt Khoza usesimeni esingesihle, udinga ukwesekwa nokusingathwa - uthi njengamanje udinga ukukhutha- zwa.
“Umakhosi nabanye abantu badinga ukwazi ukuthi akayedwa, nokuthi kukhona abanaye abamesekayo," kusho unkk Masekela.
Uthi ucabanga ukuthi umuntu obe kwi-anc kusukela ezalwa bese ethatha isinqumo esikhulu kangaka sokushiya inhlangano lowo muntu usendaweni lapho ezizwa eyedwa, engenamuntu.
Udkt Khoza umemezele ukuthi usesulile kwi-anc ngolwesine. Ukushiya kwakhe kulandela ukuphumela kwakhe obala ngomuzwa wokuthi umengameli Jacob Zuma kufanele aphume esikhundleni.
Ngemuva kokukhuluma kwakhe esidlangaleni egxeka I-ANC kulandele izinsongo, esa- tshiswa nangokufa.
Omakadebona bale nhlangano, okubalwa kubo nomnu Frank Chikane, wunkk Albertina Luthuli, wutrevor Manuel, esitatimendeni abasikhiphile ngemuva kokwesula kukadkt Khoza, bathi nakuba besiqonda isinqumo sakhe kodwa bakholwa wukuthi akusona isinqumo esifanele futhi kufanele asicabangisise.
Kuke kwasabalala amahlebezi athi udkt Khoza uzojoyina idemocratic Alliance (DA) kodwa yena uyakuchitha lokho, uthi ngeke nje aze ajoyine IDA ngoba akahambisani nezinkambiso zayo.
Uthe uhlela ukusebenzisana nezinhlangano zomphakathi ezilwa nenkohlakalo.
editor@ilanganews.co.za