Ukini Shandu ukhonjwa okhozini
Usaphendlelwa uhlelo azolusakaza
KUBIKWA ukuthi kunezingxoxo ezisezingeni eliphezulu futhi eseziya ngasemaphethelweni phakathi komethuli wohlelo idaily Thetha, edlala KWISABC1 kusuka ngomsombuluko kuya kolwesine, nesikhondlakhondla somsakazo ongaphansi kwayo, ISABC, ukhozi FM.
Imithombo YELANGA Langesonto ithi maningi kakhulu amathuba okuthi maduze ukini Shandu ( osesithombeni), owaduma emsakazwei igagasi99.5 FM, ajoyine ukhozi FM. Ngolwesihlanu uzwakale ohlelweni lukadudu Khoza ijabul’ujule enza iprank call.
“Wukuthi izingxoxo zabo baziqale seziphothuliwe izinhlelo, manje basamphendlela uhlelo azongena khaxa kulona,” kuqhuba umthombo.
Umthombo uthi enye into eyinselelo odabeni lukakini wukuthi uhlelo alwenza kumabonakude ulusakaza emini kusu- ka ngomsombuluko kuya kulwesi-hlanu, okusho ukuthi kufanele bamfake ohlelweni olungeke lushayisane nesikhathi somsebenzi kumabonakude.
Kuzokhumbuleka ukuthi phambilini ngesikhathi kuxoshwa uchilli M kulo msakazo, ake aqubuka amahlebezi okuthi ukini angase awujoyine (umsakazo), avale isikhala salo msakazi okhonjwe indlela. Nokho lokho kubuye kwashabalala kwagcina kungene usbu Buthelezi esikhaleni sikachilli M obesakaza ngokubambisana nomroza Buthelezi.
Ngesikhathi ethintwa ukini Shandu uqale ngokuncokola wathi: “Kusho ukuthi ayikho into engiyenzayo engeke iphume ephepheni. Ngisho ngigula kusho ukuthi nizobhala?”
Akawaphikanga lawa mahlebezi kodwa uthe akavumelekile ukukhuluma izindaba ZESABC.
“Ngeke ngikwazi ukuphawula. Ungathinta abakhulumela ISABC abanegunya lokukhuluma, mina ngikhuluma izindaba zasemambatheni kuphela,” kusho ukini.
Uzandile Tembe ongumphathi wezinhlelo emsakazweni ukhozi FM naye wenze okufanayo akazange aphike futhi akavumanga kodwa ucele intatheli ukuba ithinte ukaizer Kganyago okhulumela ISABC.
“Asisavumelekile ukukhuluma thina kodwa kungathintwa ukganyago - nguyena umuntu onegunya lokuphawula.
Umnu Kganyago uthe yena akakwazi ukuphawula ngodaba olungakaphothulwa. Uthe uyokwazi ukuphawula uma sekukhona isivumelwano esikhona, nento esisayiniwe.