Kunzima ukusebenza nomyeni
SITHE uma sizwa ukuthi ibandla icovenant Fellowship Church International (CFCI) izobe inenkomfa yeshumi yabesifazane ebizwa ngevessel Honour Networks, ethekwini ngempelasonto edlule, lapho kusuke kucangcathwa khona izimilo zabesifazane, becobelelana ngolwazi.
Kuthe uma sizwa nokuthi kuzobe kukhona nongqwazi lwentokazi engumculi, usiphokazi, salinqaka leli thuba. Sizamile ukuba simthole sixoxe naye ngaphambi kokuba kungene le ngqungquthela ngoLwesihlanu olwedlule kepha sahluleka.
Size sathola ithuba ngolwesibili esekhululekile. Umyeni wakhe uhlalele Mohapi obuye abe yimenenja yakhe, usihlelele isikhathi naye endaweni ekhethekile eshaka Marine World, bude buduze namahhovisi aleli phephandaba ILANGA.
Ngifike ngabalinda cishe isikhathi esingangehora besabambekile kweminye imisakazo bethula i-albhamu kasiphokazi entsha esihloko sithi “Siphokazi”. Baqhamuke behamba bobabili kwaba sengathi yizelamani kwazise bade bobabili.
Kasipholisanga maseko yangemukela ngezandla ezifudumele le ntokazi engumzalwane, ethandayo ukuba uma ukhuluma nayo ithi “Ewe tata”.
AKEZENYEZI Kayizenyezi le ntokazi ngemvelaphi yayo. “Mina ngingowokuza-lwa elusikisiki, e-eastern Cape. Ngikhuliswe ngugogo unkk Irene umamasango, ozala umama uhappiness
Beauty Maraqana ongasekho. "Ubaba ngumnu Bhekuxolo Xaki - akashadanga nomama,” kubeka yena.
Usiphokazi uzalwe mhla ziyisi-9 kumandulo (September) ngonyaka we-1977, wafunda amabanga aphansi kulezi zikole: Kwazizamele Junior Primary School, wagcina etoli High School lapho ephothule khona ibanga leshumi ( matric) ngonyaka we-1995.
Ngesikhathi esafunda emabangeni aphansi, uthi ubevele enze okungajwayelekile abhale amagama phansi bese ecela abangani bakhe ekilasini ukuba bacule iculo.
“Ngikwenze lokho umemu wami waze wangibamba wathi ngoba ngibangisa ikilasi umsindo ngomculo uyangijezisa ngokuthi njalo uma kusemthandazweni esikoleni ekuseni ngizoqala amakhorasi. Ngajwayela kanjalo ukucula phambi kwabantu abaningi, kwala noma sengiseHigh School uthishomkhulu wakhona wathi naye ufuna ukuba ngiqhubeke nokuculela isikole,” kulanda usiphokazi.
UMBOMBAYI WESIKOLE Eseqede ibanga leshumi uthi wafuna isikole somculo waha-mba idolobha lasemthatha efuna isikole kepha akasitholanga. Leso agcina esitholile kwaba wumbombayi wenza izifundo zepublic Administration.
Uthi wafunda iminyaka emibili, kwathi kowesithathu abaphathi baso bakhala iphepha nemali yabo. Uthi ngesikhathi esemthatha wajoyina amaqembu omculo wokholo wezwa ukuthi umculo sekuyiwona osusegazini.
“Ngaleso sikhathi umama, ugogo nomkhulu babefuna ngibuye ekhaya bengafuni ngiye egoli ngiyofeza amaphupho ami omculo, bebelesaba igoli. Bagcine sebengitholela umsebenzi esitolo sefenisha elusikisiki, kwathi uma ngiyokwenza inhlolokhono imenenja yakhona yangibuza ukuthi ngingenza kanjani ukuba ngingenise amakhasimende azothenga ifenisha.
"Ngayitshela ukuthi ngingabiza abaculi bazocula phambi kwesitolo kugcwale abantu bese sibadayisela ifenisha. Wathi mina ngizibona ngikuphi eminyakeni eyisihlanu ezayo, ngathi ngizibona ngidumile ngingusaziwayo,” kulanda
usiphokazi.
Usiphokazi uthi yile menenja eyanxusa abazali bakhe ukuba bamdedele ayofeza iphupho lakhe lomculo.
“Egoli bekukhona ubhuti wami ebandleni
Apostolic
Faith Mission, uwiseman
Sogoni, kukhona no
Mfundisi wethu okuyibo abangitholela indawo yokuhlala, ngahlala nosisi usindiswa esengilibele isibongo sakhe.
"Ngijoyine ithimba lendumiso esontweni ngaphinde ngathola ubhuti umasosha Nhlengethwa owayefunda esikoleni somculo.
"Ngifunde umculo iminyaka emithathu ecentral Johannesburg College, ngazuza idiploma. Emuva kwalokho ngithole ithuba lokuyocula ejapan, ngangiqala nokugibela ibhanoyi. Kwaba mnandi, sicula nazo zonke izihlabani zamazwe omhlaba,” kusho usiphokazi.
Ubuye lapho wasebenza nezinkakha zabaculi, oringo Madlingozi notshepo Tshola, wakhipha i-albhamu yokuqala nenkampani kasipho Sithole, inative Rhythms, okuyiyona eyambeka ebalazweni kwezomculo ikakhulukazi ngezingoma ezifana nethi “Ubuntu Bami” ngonyaka wezi-2006. Ngonyaka wezi-2008 ukhiphe enye i-albhamu esekwa-emi esihloko sithi “Ndinovuyo” womabaili la ma-albhamu uthi ahambe kahle emakethe. Ngonyaka odlule uvuse inkampani yakhe ayegcine ngokuyiqamba ayibiza ngepathsela Music, ayiqamba ngegama likayisemkhulu. Yiyona lena akhiphe ngaphansi kwayo le-cd ayidudulayo kumanje.
BAHLANGANE ENKONZWENI Ubonane nohlalele Mohapi khona esontweni labo i-apostolic Faith Mission ezinkonweni, kwathi ngonyaka wezi-2005 waqala ukuzibika kule ntokazi, bagcina sebeshadile ngonyaka wezi-2011, sekuphele iminyaka eli-12 bazana. Babusiswe ngabantwana babafana ababili. Banomuzi kanokusho emidrand, egoli. Banezimoto ezintathu. Kunzima ukumenenjwa ngumyeni ngoba kubiza ukuba basebenze ngokungancengani emsebenzini kepha uma sebesekhaya kushintshe.