Ukuhlukumezeka emshadweni
UKUHLUKUMEZEKA emshadweni yisihloko engikhethe ukusinikeza lolu daba ngoba lokhu kuyinto engenisile nasebandleni likankulunkulu. Ezinsukwini zonke zokuthokoza ezifikela abaningi bethu empilweni, cishe oluhamba phambili kunazo zonke ngolomshado.
Ukwethweswa iziqu zemfundo ephakeme, umkhosi wosuku lokuzalwa noma olokutholakala kwenkululeko yezombusazwe kumuntu siqu ngeke zonke lezi ezinye zinsuku zilwedlule olomshado.
Isisekelo siyindaba ende eqala ngokungena ebudlelwaneni bothando phakathi kwabantu ababili bese isinqumo sokushada sibe wukupheleliswa kwalobo budlelwano phansi kwesimiso esingcwele njengalokhu akuhlela unkulunkulu ekuqaleni ukuthi umphakathi wabantu uyophila emindenini esekeleke kuleso simiso.
Maningi-ke amalungiselelo enziwayo aqondene nalolu suku nokuthi ekuphothulweni kwawo kukhishwe izimemo kubantu abazoba ngofakazi bahalalise ngokuhle okusuke kwenzeka.
Sekwenziwe konke lokhu, kwachithwa nezimali ezinkulu ukugubha isigaba laba abasuke sebengena kuso, kuyadabukisa ukuthi ukudlula kwalolu suku, ingane yabantu isikhumula ingubo emhlophe kusuke sekuwukugcina kwayo intokozo empilweni.
Ngokuvamile kuye kwelulekwe omakoti ngokuziphatha kahle emshadweni. Sengathi inkinga iqala khona lapho-ke ngoba umshado uphakathi kwabantu ababili. Ukweluleka umakoti kuphela kunikeza umqondo othi abesilisa bona abanaphutha ngakho abadingi ukwelulekwa.
Ngomusa wenkosi enkolweni yobukristu selukhona uhlelo lokwelulekwa kwabazongena emshadweni, okubathinta bobabili umkhwenyana nomakoti. Ngeshwa ukuhlukumezeka emshadweni nodlame emndenini yikho- na okusheshe kufike ezingqondweni zethu uma sicabanga ngamaphutha angase ayamaniswe nomkhwenyana kanti ziningi izinhlobo zokuhlukumeza ezingabandakanyi ukushaya. Ake sibheke ukuhlonishwa komkhwenyana ngu- makoti kungathi kukuyo inkosi - njengoba ibhayibheli lisho. Ukuthi akekho onganezela emibhalweni engcwele akumnikezi umkhwenyana igunya lokuba alindele ukuhlonishwa yena kungekho lapho ethobeka khona.
Kuningi ukuhlukumezeka omakoti ababhekana nakho mihla yonke emshadweni. Ake ucabange nje ngendoda efana nokuguqubala kwezulu ngisho kungonakele lutho. Le ndoda ilindele ukuba wonke umuntu ename mhla kweneme