USEKHIPHE I-ALBHAMU OFANISWA
AKANAMAHLONI ngokufaniswa nobrenda Fassie umculi we-afro jazz, ukhoisan Maxy.
Lo mculi ongowokudabuka ebotswana kodwa osezinze egoli, uthi uyaziqhenya ngokufaniswa nalesi sihlabani esingasekho. Uveze lokhu ngesikhathi enengxoxo ekhethekile NELANGA Langesonto lapho egonyuluke konke ngaye nangempilo yakhe nomculo.
Uthi wafika eningizimu Afrika elethwe ngabechoral Music Awards, enzeka ebotswana.
“Ngonyaka wezi-2004 ngalethwa ngabechoral Music Awards kwikhaya FM (egoli), uma sifika emsakazweni kwangena izindaba zokuthi akasekho emhlabeni ubrenda, bangicela ukuba ngisho okuthile ngaye kodwa ngehluleka ngoba ngangingazi lutho ngaye,” kuchaza ukhoisan.
Uthi wacula ingoma ethi Mama I’m sorry nethi Too late for Mama. Ngaleso sikhathi uthi kwakukhona udeborah Fraser.
“Bethuka, bathi ngizwakala njengaye kumele ngicule i-afro pop,” kusho yena. Yize kumthathe isikhathi ukufeza lokhu okwashiwo kodwa uyazigqaja ngokuthi kugcine kwenzekile.
Ukhoisan ukhipha icwecwe ngaphansi kwenkampani karobbie Malinga, izingoma zakhe eziningi uzibhalelwe nguyena urobbie, zadidiyelwa nguye futhi. Uma ulalela izingoma zakhe ungamboni yena ungazitshela ukuthi ngubrenda oculayo, bese udideka usumbona.
Nakuba engowasebotswana kodwa ukhule esazi isizulu - uthi usifunde khona emculweni nasenyuvesi kubangani. Ngesikhathi ekhuluma nentatheli ubebuye azicule ezinye izingoma, esho ngephimbo lakhe eliphezulu, phakathi emahhovisini aleli phephandaba.
Phakathi kwezingoma afolosa ngazo kukhona ethi “Why Uvuma” lapho athi ukhuluma ngobhuti ongafuni ukubuya ekhaya uma esethole umsebenzi. Kube khona ekhuluma ngothando apike kuyo- na umusa Sukwene es Wami”. Ukhoisan uth ndo, yingakho nje izin zela uthando. Akanay