AYANDA AMAFESTIVALI AMAFILIMU ENINGIZIMU AFRIKA
NGEMPELASONTO edlule bekunendumezulu yefestivali ebizwa ngokuthi wugu Film Festival (UFF), engakatholi idumela elingako nakuba seyenzeke iminyaka emihlanu ilandelana.
Le festivali isungulwe ngumnu Senzo Zindela kanti yenzelwa eport Shepstone nasezindaweni ezakhele leli dolobha eliseningizimu yeKwazulu-natal okubalwa kuzo umthwalume, igamalakhe, nemargate.
Abagqugquzeli banethemba lokuthi le festivali iyoze izofinyelele ezingeni ledurban International Film Festival (Diff) esiyenzeke iminyaka engama-38. Okube kuhle ngale festivali wukuthi nakuba igxile emazweni wonke ase-afrika kodwa ivule yaphinde yavala ngefilimu evutshelwe eningizimu Afrika. Kuvulwe ngefilimu esihloko esithi "isivivane sikashaka", ewild Coast Casino, kwavalwa nge"vaya" est Michael.
KAFUSHANE NGALA MAFILIMU:
VAYA
UMQONDISI: Akin Omotoso ABADLALI ABAPHAMBILI: Warren Masemola (Xolani), Phuthi Nakene (Patricia), Azwile Chamane-madiba (Zodwa), Nomonde Mbusi (Thobeka), Harriet Manamela (Grace), Sihle Xaba (Nhlanhla), Zimkhitha Nyoka (Zanele), Sibusiso Msimang (Nkulu) UHLOBO: Drama
INDABA iqala esitimeleni kusukwa Kwazulu-natal kubhekwe egoli kwandongaziyaduma. Igxile kwabathathu abangazani, ababhekana nezinkinga sebesegoli. Bonke bazithola bedayiswa ngabomndeni abebenethemba lokuthola kubo usizo. Idlala ihora nemizuzu engama-55.
ISIVIVANE SIKASHAKA UMQONDISI: Ikhiqizwe yithimba elenza amafilimu laseport Shepstone
ABADLALI ABAPHAMBILI: Kulingisa abadlali abaningi abasafufusa basemthwalume UHLOBO: Documentary
IMAYELANA nomlando oshicilelwe ezincwadini ngelembe, inkosi ushaka Kasenzangakhona, bese izama ukuqondisa umlando ngaleli qhawe. Abaxhumanisa abadidiyeli nabezindaba bahlulekile wukuthumela imininingwane eqondile yabadidiyeli, abakhiqizi nabalingisi aba- phambili nokuchaza khona ukuthi kuningi okusadinga ukulungiswa ngale festiveli.
IMPELASONTO edlule yomhla zingama-22 kuya zingama-24 kumandulo (September) ishiye I-EMOJIE MOVIE ihleli esicongweni kwabukwe kakhulu kanti IGIRLS TRIP ekhuluma nge-essence Festival ibisahamba phambili ngokufaka imali njengoba bese imi ku-r14 733 637. Nalu uhlu lwayishumi abehamba phambili e-cinema:
1. 2. 3. 4. 5. 6. 7. 8. 9. 10.
EMOJI MOVIE
IT
DARK TOWER AMERICAN ASSASSIN HOME AGAIN VASELINETJIE HITMANS BODYGUARD THE SON OF BIGFOOT AMERICAN MADE GIRLS TRIP