SIVULA AMEHLO ABACULI:
cula umculo wamanothi nezagila. Banokhondathi wabo owuqeqeshelwe umculo. Konke lokhu esikushoyo asisho ukuthi onke amabandla awabe njalo sisho esikubonile nokusihlabe umxhwele.
Siyazi futhi ukuthi amandla kawalingani, ngeke sifanise onke amabandla naleli kepha esikuqondile wukuba sikhuthaze abazalwane ukuba uma becula ezinkonzweni benze okuyikho ngisho noma ngabe bacula hloboluni lomculo wokholo.
Sesadlula isikhathi lapho bekuthi noma abazalwane bebhimba bathi babhimbela inkosi. Abantwana bayiselwa lokho ezikoleni ukuze baguqule izindlela obekuculwa ngazo ngoba kamuva nje lonke uhlobo lomculo seluyayenza inzuzo okungasizakala amabandla, kwakhiwe izindlu zamasonto, kondliwe abafelokazi nezintandane.
Amazwe afana nelase-united States of America (USA) ayisibonelo kulokhu ikakhulukazi kwabamnyama bakhona abakhonza ngendlela ethi mayifane neyethu lapha eningizimu Afrika.
Ezindlini zethu kugcwele amaCD nomculo wabo abasemelika nama- video akhona, siyabusiseka. Akube njalo nakubo abathenga umculo wethu babusiseke. Ukuzenyeza ngamaphimbo unkulunkulu asiphe wona kakufuneki, umyalezo wevangeli likakrestu mawuthunyelwe ezizweni zonke ngezindlela ezahlukene.
Sekwaze kwaba yitemu labamnyama ukuthi bona umculo bazalwa nawo, abasiwo amadliwa nezichwe. Esizweni sabamnyama konke kuhambisana nomculo - kufiwe kusha ingoma, ngisho kumnandi kusho ingoma.
Abalifunde kahle ivangeli lika-
Krestu nabazifundile izincwadi eziyisikhombisa ezifundwa ezikoleni zebhayibheli bayazi ukuthi kukhona lapho kukhulunywa khona ngosathane eseyingelosi ethembekile kankulunkulu ebizwa ngolusifa.
Kuthiwa wayeshaya impolompolo yomculo edumisa kuchazeke omdala wezinsuku. Wavele wazibona esemkhulu njengaye kwambhedela, waxoshwa ezulwini njengoba eseyinkinga nje lapha emhlabeni.
Izwi likankulunkulu lingumlilo oqothulayo kepha iphimbo lomculi linesivinini, lingena ligulukudela ezinhliziyweni zabantu yingakho nje kuye kubonakale abantu bacule baze bakhale, abanye kuthi umabelalele umculo wokholo kuvuke umunyu ezinkonzweni basukume bayikhethe inkosi.
Yingakho nje kuye kuthi uma sekuzofundwa izwi kuqale indumiso ngenhloso yokukhuphula imimoya yabantu nemiqondo, bazindle bazibone sebekwelesithathu izulu likapawula. Umculo unamandla . knowledge.simelane@ilanganews.co.za