Isundowns izokhipha isibhongo kwawakuleli
UMQEQESHI wemamelodi Sundowns upitso “Jingles” Mosimane ufuna ukukhiphela isibhongo emakilabhini agijima kwi-absa Premiership emuva kokuhluleka ukuvikela isicoco seconfederation of African Football (Caf) Champions League.
Idowns izobhekana neplatinum Stars koweligi namuhla ngesonto ngo-15h30 eroyal Bafokeng Stadium, erustenburg.
Idowns iya kulo mdlalo nje, ngeledlule ikhishwe kwi- quarter-final yecaf Champions League yiwydad Casablanca yasemorocco.
Igunya lokudlala kwichampions League litholakala ngokunqoba isicoco sakuleli seligi noma ukuqeda usendaweni yesibili kanti ukungena kwicaf Confederation Cup kufanele unqobe isicoco senedbank Cup. Ngesizini edlule idowns iqede ilele isibili okuyibuyisela kwichampions League yangonyaka ozayo.
Umosimane uthi ezakhe zibheke ngqo ekunqobeni isicoco seligi ukuze ziqhubeke nokuhlala zidlala kwichampions League kuwona wonke amasizini.
“Ikilabhu enkulu njengesundowns kakuyifanele ukungadlali emi- dlalweni yase-afrika. Ngakho-ke kufanele noma kanjani sinqobe isicoco seligi. Yiyona into esizoyilwela kusukela manje. Ngiyazi ukuthi ngeke kube lula ngoba kunamakilabhu enza kahle kodwake uma sifuna into siyayilwela.
“Amakilabhu esizobhekana nawo ngiyadabuka ngoba azosithola kabi sifuna ukudlala kule midlalo, noma kanjani kufanele sikhiphele isibhongo kuwona. Sizoqala ngawo lo mdlalo weplatinum. Uzokuba nzima kodwa kufanele noma kanjani siwunqobe,” kusho umosimane.
Uroger de Sa ocija iplatinum, uthi ubhekene nobunzima kule kilabhu njengoba kulokhu kusabalele imibiko yokuthi iyadayiswa.
“Umoya wabadlali uyabona ukuthi uphansi njengoba kunale mibiko ethi ikilabhu iyadayisa. Kunzima nokubakhuthaza ngoba kabazi ukuthi kuzogcina kwenzakaleni ngemisebenzi yabo.
"Kodwa-ke kakuyona into esingavika ngayo leyo kufanele sibhukule silwele ukunqoba.
“Izinto kazisihambeli neze kahle, kufanele sizame ukukhuphula amasokisi kulo mdlalo ngoba kasikaze sinqobe selokhu kuqale isizini,” kusho ude Sa.
Umoya wabadlali uyabona ukuthi uphansi njengoba kunale mibiko...