ESKHALENI:
KUBUKEKA kungaba wumqondo ophusile kwiSouth African Football Association (Safa) ukuthembela kubaqeqeshi bakuleli emaqenjini esizwe ngoba ukhukho lumuka nomoya sigabe ngabo laba abathenjwayo bangaphandle.
Sekulandwe inqwaba yabaqeqeshi bangaphandle ukuzololonga ibafana Bafana, kodwa akekho noyedwa osafike kwimpumelelo kaclive Barker onqobise lesi sikwati i-african Cup of Nations (Afcon) ngowe-1996 wasifaka nakwindebe yomhlaba ngowe-1998 efrance.
Cishe owenze kangconywana kube ngujomo Sono ohluleke kowamanqamu kwi-afcon ngowe1998 eburkina Faso. Omunye owenze into ebambekayo ngutrot Moloto.
Sekulandwe inqwaba yabantu bangaphandle abahola izindodla zemali kodwa basishiye siyinhlekisa emazweni omhlaba. Kumanje siphethe irekhodi lokuba yizwe lokuqala elingosokhaya ukuphuma esigabeni samaqoqo kwindebe yomhlaba ebikuleli ngowezi-2010. Ibafana ibiholwa ngucarlos Parreira wasebrazil obekhuza ibuya ngemuva kokusifunza isihlobo sakhe ujoel Santana.
Ngemuva kukaparreira izintambo zibanjwe ngupitso Mosimane ogcine eseshenxiswa ngenxa yokushisa kwensimbi. Kungene ugordon Igesund owenze umsebenzi oncomeka kakhulu. Uqhelisiwe kwalandwa u-ephraim Mashaba ofake ibafana kwi-afcon. Ngaphansi kukamashaba ibikhanya indlela ebheke kwindebe yomhlaba ezokuba ngonyaka ozayo erussia. Uxoshelwe isizathu esingahlangene nhlobo nomsebenzi wokulolonga sokuthi akazixhawulanga izikhulu zesafa. Ngemuva kwakhe isafa iphinde yabuyisa ustuart Baxter wase-england.
Ngaphansi kwakhe kuyacaca ukuthi ibafana ngeke ilubhade erussia.
Cishe lesi yisikhathi esihle sokuthi isafa imthembe udesire Ellis obuye nendebe yecosafa ngeledlule ezimbabwe eqhuba ibanyana Banyana. Ngeke kusisize ukulanda umqeqeshi wangapha-