KWENYUKA IZIMFUNO ZE-MANCHESTER UTD
KUNYUSWA izimfuno zemanchester United njengoba ibibeke eqhulwini ubumqoka bokunqoba i-europa League kuneminye imiqhudelwano ngesizini edlule.
U-ashley Young ongaconsi kubalandeli bale kilabhu, uthi sebezinyusile izinhloso zabo kule sizini.
“Ngesizini edlule besifuna i-europa League ngoba bese kucaca ukuthi ngeke siqede endaweni ezosifaka kwi-uefa Champions League njengoba sigcine sisendaweni yesithupha kwi-log ye-english Premiership. Kule sizini kawukho umqhudelwano ozokuba mqoka kuneminye.
“Sifuna ukudlalela ukunqoba yonke into ephambi kwethu. Senza kahle kwi-english Premiership futhi sijabule ngokuthi sesinqobe imidlalo ilandelana kwichampions League. Sijabule kakhulu ngesikunqobe ngesizini edlule. Kungaba mnandi kakhulu uma singafaka emgodleni wethu ipremier League, ileague Cup (abayinqobile) nefa Cup noma ichampions League,” kusho uyoung.
Ired Devils ibibhekene necrystal Palace kowepremiership izolo ngomgqibelo ntambama.
Imidlalo ye-english Premiership ehlelelwe ukugijinywa namuhla ngesonto imi kanje:
Arsenal vs Brighton & Hove Albion 13h00 (SS3).
Everton vs Burnley 15h15 (SS3). Newcastle United vs Liverpool 17h30 (SS3).
Eyespanish La Liga ihlelwe kanje:
NAMUHLA NGESONTO
Real Sociedad vs Real Betis 12h00 (SS7).
Barcelona vs Las Palmas 16h15 (SS7).
Valencia vs Athletic Club 18h30 (SS7).
Villarreal vs Eibar 18h30. Real Madrid vs Espanyol 20h45 (SS7).