Ichiefs ihlinzele abalandeli ezibini
Abalandeli bezimpofana badinwe bacekela phansi inkundla
IPHOXE abalandeli bayo ikaizer Chiefs ihluleka wukufeza isethembiso esenze kubona ngesikhathi iguqiswa yibaroka FC ngo-2-1 emdlalweni we-absa Premiership izolo ngomgqibelo kusihlwa emoses Mabhida Stadium, ethekwini.
Amagoli okuguqe ngawo ichiefs abhakuziswe enethini ngulewis Macha ngomzuzu wama-23 nogift Motupa ngowama-60.
Elayo lokubika ekhaya lishaywe ngugeorge Maluleka ngomzuzu wesi-8. Abalandeli bechiefs badinwe bacekela phansi inkundla.
Ngaphambi kwalo mdlalo ichiefs yenze isethembiso kubalandeli bayo ithi noma yikanjani izobajabulisa ngokuqoqa amaphuzu amathathu.
Ize yathembisa nokuthi izodlala ibhola eliseqophelweni eliphezulu. Kukhona konke lokhu ebikuthembisile kayizange yenze ngisho okukodwa.
Kunalokho beyibukeka inhlakanhlaka, nasesiswini ingaqinile kahle.
Isikhala sikawillard “Salt & Vinegar” Katsande obengekho ngenxa yesigwebo samakhadi aphuzi sihlale obala njengoba ibaroka ibizicanasela.
Ngesiwombe sokuqala nje ibaroka yiyona ebibukeka idlala into ehlangene futhi yakha namathuba kodwa izishwebele yona.
Ichiefs ize yangconywana umdlalo usuyophela isizama ukuhlasela.
Nokho iminyakazo yayo ibiphelela emoyeni njengoba ibaroka ibivale kwasani ingafuni lutho. Abalandeli bechiefs bazwakalise ukungenami ngomqeqeshi usteve “Mphathi” Komphela bethi akazi lutho uzobulala ikilabhu yabo.
Baqale ukumjikijela ngezidlo nangeziphuzo umdlalo usasalelwe ngamanenjana ukuba uphele.
Uphume enkundleni egadwe ngabaqaphi bodweshu kubonakala ukuthi uma nje ungamuphonsa kubalandeli bangamudla eluhlaza ngendlela abebedinwe ngayo.
Ibaroka kayikehlulwa selokhu kuqale isizini kanti iqinise ithimba layo labaqeqeshi ngokuqasha udoctor “16 V” Khumalo njengosomaqhinga.
Udoctor ukhulele kwichiefs njengoba ehlale kuyona iminyaka engaphezulu kwengama-30.
Imiphumela yenational First Division (NFD) imi kanjena: Cape Town All Stars 0, Black Leopards 0; Highlands Park 1, Ubuntu Cape Town 0; University of Pretoria 4, Mbombela United 1; Super Eagles 1, Real Kings United 0; Mthatha Bucks 0, Stellenbosch FC 1; Richards Bay FC 2, Royal Eagles 3.
Ibaroka kayikehlulwa selokhu kuqale isizini kanti iqinise ithimba layo ngo
Doctor Khumalo...