ISONGWE KAHLE EYEZOKUVAKASHA
INYANGA yezokuvakasha KwaZulu-natal iphothulwe ngokwethulwa komkhankaso omusha okuhloswe ngawo ukugqugquzela noku- thuthukisa ezokuvakasha esifundazweni. Lo mkhankaso obizwa ngo- kuthi #dokzn wethulwe emcimbini wekhethelo obusendaweni yomtakabani eselborne Hotel ngoLwesine ebusuku.
Ngesikhathi ivulwa inyanga yezokuvakasha umandulo (September) kuzwelonke kwethulwe umkhankaso wezokuvakasha obizwa ngokuthi #wedotourism.
Ngale mikhankaso kugqugquzelwa umphakathi ukuba uvakashele izindawo zokuvakasha ezikhona kuleli.
Umnu Bongani Mthiyane oyisikhulu kwezokumaketha KWATKZN uchaze lo mkhankaso wesifundazwe njengozosiza abantu abafuna ukuvakasha KwazuluNatal.
“Sinama- package azokwenza kube lula kunoma ngubani ofuna ukuza Kwazulu-natal akwazi ukukhokha isamba esihlangene esizohambisana nenhloso yokuvakasha kwakhe. Sinalawa (package) athinta ezothando, ezasolwandle, iziqiwi, ezomlando nokunye ongakuthokozela uma uza kulesi sifundazwe,” echaza.
Uqhube wathi izinga lobuchwepheshe lenza kube lula ukuba abantu bathole ulwazi ngezindawo abangazivakashela.
“Yingakho sisungule i- website ezokwazi ukwenza izinto zibe lula futhi zisheshe. Kule website kuningi abathandi bezokuvakasha abazosizakala ngakho ngaphandle kokuba baze bakhokhe imali eshisiwe,” eqhuba. Wengeze ngokuthi nakuba lo mkhankaso bezowuqinisa kakhulu ngesikhathi samaholidi kazibandlela (December) kodwa uzoqhubeka isikhathi eside. Ube esexwayisa abantu ukuthi wonke umuntu angazimbakanya nalo mkhakha njengoba uthinta noma ngubani kusukela kulabo abagada izinxushunxushu kuya nakulabo abasebenza ezitolo ezithengisa ukudla nabanye. Khona manjalo ITKZN iqoke abasakazi begagasi FM usphectacular nonaives ukuba babe ngamanxusa alesi sifundazwe kwezokuvakasha. Laba basakazi abawuvali umlomo ngobuhle bezindawo ezikhona zokungcebeleka kulesi sifundazwe.