UYASHADELWA UMCULI USLIKOUR
ZIYAWUSHAYA kusaziwayo owaduma eqenjini lomculo we- hip hop, iskwatta Kamp, usiyabonga Metane (36) odume ngelikaslikour.
Lo saziwayo osegxile kwezamabhizinisi uzoshada ngomgqibelo ozayo nentokazi yakhona egoli, umelissa Wilkinson. ILANGA Langesonto libe nengxoxo ekhethekile noslikour ngomshado wakhe. Ukuqinisekisile ukuthi impela ziyawushaya ngesonto elizayo, wathi umshado wakhe kawufihliwe.
Utshele leli phephandaba ukuthi bazoshadela ecountry Club, egoli, wathi umshado uvulelekile, nabezindaba bavumelekile ukuzoba ngofakazi. Uthi basuka kude nowakwakhe nakuba bengenabo abantwana ababazala ndawonye. “Unengane yentombazane, nami nginengane yomfana,” kusho yena. Abantwana babo bayalingana ngokweminyaka uma esho. Lo saziwayo uke wathandana nobonang Matheba okuyimanje uthandana NO-AKA ocula i- hip-hop.
Ebuzwa ukuthi ngabe ubonang ukhona yini ohlwini lwezimemo, uvele wathi: “Ungayimema kanjani i- ex yakho emshadweni?” Lokho kucacise ngokusobala ukuthi akamenyiwe ubonang kulo mshado. Ebuzwa ngekusasa lakhe emculweni uthe, uzokwenza isithangami sabezindaba ngolwesibili kuleli sonto lapho ezomemezela iqembu elisha alihlanganisile.
“Konke kuzozwakala ngolwesibili lapho ngizomemezela khona umsebenzi engiphezu kwawo,” kusho yena. “Ngihlanganise abaculi abangazani abasuka ezifundazweni ezahlukene - kukhona abasuka Kwazulu-natal, Easten Cape, Western Cape, nasegauteng njalo njalo,” kuchaza yena.
Uthi bonke laba ngabantu abangakadumi kodwa abebemthumelela izingoma ukuba abasize. “Lokhu ngikwenzela ukusiza labo abanethalente kodwa abangakalitholi ithuba lokuvela. Ngikhethe labo abanezingoma ezishisayo kuphela,” kuqhuba yena.
Yize engaculi manje kodwa uthi ngeke asho ukuthi ngeke aphinde acule ngoba akalazi ikusasa ukuthi limphatheleni. Uthi uma kuhamba isikhathi kuvela ithuba usengaphindela emculweni.