Bathi bayohlukaniswa ukufa abe Big Nuz
Bathi benza isifungo beqala leli qembu
UTHI bazohlukaniswa ukufa nomampintsha udanger weqembu ibig NUZ. Leli qembu kuke kwasabalala amahlebezi okuthi alisadli esitsheni esisodwa njengoba umampintsha ebebonakala esegxile emisebenzini yenkampani yakhe iwest Ink.
Umzi Mkhwanazi odume ngelikadanger ukhulume NELANGA Langesonto egonyuluka, wathi kakukho okuzobahlukanisa noMampintsha (ogama lakhe langempela ngumandla Maphumulo) kuze kufike usuku lokufa.
Uthi ngesikhathi beqala leli qembu kusekhona usibusiso Khomo obedume ngelika-r Mashesha benza isivumelwano sokuthi indlela abahlupheka ngayo kumele uma bephumelela babambane ngezandla bengaphinde bahlukane, noma ngabe omunye uyabambeka kodwa umsebenzi uqhubeke kuhole wonke umuntu.
Udanger uthi kuyimanje bamatasa benza umsebenzi wakwa Cell C kanye ne Next Level okuwuhlelo lukamabonakude oludlala kumzansi Magic. Uthi okwamanje ngeke bakwazi ukukhipha icwecwe eliphelele kodwa bazoqhamuka nengoma ezophazamisa abaningi ngamaholidi kancibijane.
“Ngeke sikwazi ukukhipha manje ngoba simatasa nalezi zinto zakumabonakude. Ukukhipha kudinga ube nesikhathi esiningi ukuze uzokwazi ukuhambela izindawo zonke umaketha umculo wakho,” kuqhuba udanger.
Obekwenza aqine amahlebezi okuthi laba kabasadlelani nokuthi iqembu selihlukene wukuthi umampintsha ubengasabonakali neqembu kodwa ubezihambela nobabes Wodumo ( ogama lakhe langempela ngubongekile Simelane) naye ongaphansi kwewest Ink. Udanger yena ubehlale ebonakala nol’vovo Derrango (Thokozani Ndlovu.
Kamuva nje ibig NUZ isibonakala ihambisana emicimbini ehlukene. Amahlebezi angaqinisekisiwe athi udanger usekhethe ukuze- hlisa, wajoyina inkampani kamampintsha, kodwa yena uyihlaba uyayihlikiza leyo, uthi bobabili noMampintsha basengaphansi kweAfrotainment ephethwe UDJ Tira.
“Ibig NUZ isengaphansi kweAfro, ayikho enye inkampani engathi isebenza nathi. Nale ngoma esizoyikhipha sizoyikhipha ngaphansi kwayo i-afrotainment,” kulanda udanger.
Ngakolunye uhlangothi UDJ Tira (Mthokozi Kathi) uzihambela notipcee oyilungu elisha e-afro baphusha ingoma katipcee ethi “Iscathulo”.
Phambilini utira ebuzwa ngeBig NUZ wathi sebebadala, lokho kusho ukuthi sekumele bazibonele manje ngeke esabanabukelisa kodwa sebekhule ngokwanele. Ibig NUZ selokhu kwashona ur Mashesha kayikaze ikhiphe omunye umsebenzi kodwa ibisagxile kulo omdala. makhoba@ilanganews.co.za