KUHUTSHWE NGEZINKONDLO ZIKAPROF MAZISI KUNENE
SEZINGENE ezingeni lokuba kuculwe ngazo izinkondlo zikasolwazi Mazisi Kunene. Ngolukakhwini singathi “Mazisi Goes Classsic”.
Lokhu kwenzeke emcimbini obizwa ngokuthi yi-afropolitan Explosiv, emazisi Kunene Museum, eglenwood, ethekwini kusihlwa ngomgqibelo odlule.
Lo mcimbi ubuhlelwe wethulwa yinsizwa esencane engumqambi wezingoma, udkt Thokozani Mhlambi wasemadadeni, ebeyethula umsebenzi womculo kafushane, ihaya ngawo ingxenye yomsebenzi wekhethelo kamzisi Kunene osihloko sithi unodumehlezi kamenzi.
Umsebenzi kadkt Mhlambi uthatha cishe imizuzu engama-20 ubude. Lapha ubesizwa ngamaciko azimele okungu Roberto Palna (violin) ongowase Italy, umarco Marazzi (viola) naye ongowase Italy, usimon Milliken (Double Bass) ongowase London, nomaxine Matthews (obedlala isaxophone) ofundisa edurban Music School eseduzane nasediakonia ethekwini.
Abaculi bekungums Nobuntu Mqulwana-mhlambi obehamba phambili ngephimbo. Yena wenza izifundo zomculo we-opera enelson Mandela University. Phela lona ngumsebenzi oyingqophamlando wokubhala inkondlo yohlobo olubizwa nge-epic, lapho incwadi yonke iba yinkondlo eyodwa. Engxoxweni ILANGA Langesonto elibe nayo nodkt Mhlambi uveze ukuthi esafunda phesheya kwezilwandle estockholm, esweden wayenesifiso sokulingisa abaqambi abavelele baseGermany bezikhathi zekhulunyaka le-19 ababethola ugqozi nokuziqonda kubahayi bezinkondlo abavelele njengo Goethe.
“Yilokhu-ke engikuthole emisebenzini kaprof Mazisi Kunene,” kusho udkt Mhlambi.
Njengamanje udkt Mhlambi uyi-post Doctoral Fellow in Innovation enyuvesi yasekapa lapho ecwaninga khona kabanzi ngemisindo nangemiculo yasemandulo. Kulokhu ubheka kakhulu umculo wase-afrika esifundazweni ikwaZulu-natal.
Udkt Mhlambi ube nenhlanhla yokuhlangana nomculo obhalwayo esafunda ezikoleni zama-model C enewcastle, lapho umculo wenziwa njengesifundo. Usuke lapho waya E-UCT lapho enze iziqu ze B-mus - insimbi azikhethela ukugxila kuyona yi-cello. Ngowezi-2005 uthe shelele estockholm kwelase Sweden eyoqhuba izifundo zakhe kuyo indima yomculo, wathola ama-credits njengengxenye yohlelo lweziqu zomculo abezenza enyuvesi yasekapa aziphothule ngowezi-2006. Ube eseqhubeka nezifundo eroyal College of Music esweden (2005) qede walandelisa nge M.phil (African Studies) nephd (Music) khona EUCT.