LIGUBHE IMINYAKA ENGAMA-50 IBANDLA
IWUGUBHE ngendumezulu umkhosi wokuqeda iminyaka engama-50 i-united Congregational Church of Southern Africa (UCCSA) ehholo lomphakathi Emanzimtoti Civic Centre ngesonto elidlule.
Beligcwele liphuphuma abazalwane nezithunywa ithende elimumatha cishe izi-5000 obekwenzelwe kulona le nkonzo. Abazalwane bebephuma emazweni ayi-5 angaphansi kwesouth African Development Community (SADC), okubalwa kuwo neningizimu Afrika, abebezogubha ukuqeda le minyaka njengoba lisungulwe ngowe1967.
Bekuwusuku olubusisekile lolu njengoba kule nkonzo bekukhona nengwevu eyayikhona lisungulwa leli bandla, umfu Bhekisipho Khulekani Dludla ovamise ukubizwa ngo”bk”.
Abazalwane bebehuba amahubo ngezilimi ezehlukene, kubonakala ngempela ukuthi lisabalele naso sonke isifunda ISADC leli bandla. Ibotswana Mass Choir ishaye into ephezulu ngengoma ebinezinhlamvu ebeziqukethe wona umyalezo wokuhalalisela ibandla ngokuqeda kwalo le minyaka.
Njengoba usuku lwale nkonzo beluyingxenye yengqungquthela yokukhetha ubuholi baleli bandla, usihlalo walo umfu- Desmond Van Der Water omusha nguye owengamele isigaba sokusayinwa kombhalo obonisa ukuzinikela kwalawo mabandla ahlanganiswa abumba LE-UCCSA ngowe-1967 - kwenanela ngamazwi asencwadini kamphrofethi Amose 3:2 lapho kuthi:
“Nginazile nina kuphela emindenini yonke yomhlaba.” Isithunywa ebesimele izimbabwe sizwakalise ithemba lokuthi esikhathini esizayo kungaba mnandi ukubona nelasezambia limelwe kuleli bandla nokuyokwenza leli bandla libe kuwo wonke amazwe angamalunga ESADC.
Emuva kwale mibiko yezithunywa kulandele isigatshana sokusikwa kwekhekhe lokugubha uku- qeda le minyaka.
Umfu Lindokuhle Gumede obengomunye wabaphathi bohlelo futhi oyi- moderator yaleli bandla Kwazulu-natal wethule izaziso phakathi kokunye unxuse abazalwane ukuba badlule ematafuleni anezincwadi eziphathelene nomlando waleli bandla.
Phakathi kosaziwayo emlandweni waleli bandla futhi obekunezincwadi ezidayisayo ezikhuluma ngabo bekungurev David Rood owasungula izikole i-adams College.
Omunye futhi yinkosi Albert Luthuli nodkt.john Dube bobabili ababe ngamalungu avelele kuleli bandla.
Nginazile nina kuphela emindenini yonke yomhlaba.