USENGCUPHENI UMHLABA NGENXA YOKONIWA KWEMVELO
AN INCONOVENIENT SEQUEL: TRUTH TO POWER UMQONDISI: Bonni Cohen, Jon Shenk
ABADLALI ABAPHAMBILI: Al Gore
UHLOBO: Documentary IMINYAKA: PG
ONGAKABONI ukuthi ngempela umhlaba esiphila kuwo ubhekene nenselelo enkulu yokushintshashintsha kwesimo sezulu uzophuma edelile kule filimu.
Le ilandela ebiphume ngowezi-2006 i-an Inconvinient Truth. U-AL Gore obeyisekela likamenga- meli wase-united States of America usemkhankasweni wokuzama ukuguqula izingqondo zabaholi bamazwe okufaka nomengameli bawo phakathi ukuthi bashintshe izindlela zokwenza emazweni abo, ikakhulukazi ngezinto ezithinta umkhathi.
Ugqugquzela ukuba kusetshenziswe iziphehli zamandla ezingezukulimaza imvelo. Kuvezwa izinto ezimangazayo ezikhombisa ukuthi sisengcupheni enjani kule mihla esiphila kuyo namuhla uma kungashintshi ukwenza.
Kuvakashelwa izingqungquthela ezahlukene nabaningi abaqeqe- shile ngokongiwa kwemvelo. Ubani ongayikhumbuli icop 17 ebiyenzelwe ethekwini, eningizimu Afrika?
Yizo lezo zingqungquthela ezihlanganisa amazwe abezigqugquzela, ekhombisa abaholi ukuthi uma bengashintshi ukwenza, lukhulu luyeza luyanyelela.
Uzombona impela nowakuleli umengameli ujacob Zuma evela ethula esinye sezikhulumi kwenye yalezi zingqungquthela. Ingene ngolwesihlanu e-cinema.
zowakha@ilanganews.co.za